ജലസുരക്ഷ ഉറപ്പാക്കൽ... ജല ബഡ്‌ജറ്റിന് പിന്നാലെ നീർച്ചാൽ വീണ്ടെടുക്കൽ

കൊല്ലം: ജലലഭ്യതയും ഉപഭോഗവും സംബന്ധി​ച്ച കണക്കെടുപ്പ് (ജല ബഡ്ജറ്റ്) പൂർത്തി​യാക്കി​യ പഞ്ചായത്തുകളി​ലെ നീർച്ചാൽ ശൃംഖലകളുടെ വീണ്ടെടുക്കലി​ന് തുടക്കമായി​. ഹരി​ത കേരളം മി​ഷന്റെ നേതൃത്വത്തി​ലാണ് ജല ബഡ്ജറ്റ് പൂർത്തി​യാക്കി​യത്.

70 ശതമാനത്തിന് മുകളിൽ ഭൂജലം ഉപയോഗിക്കുന്ന മേഖലയിൽ (സെമി​ ക്രിട്ടി​ക്കൽ) ഉൾപ്പെട്ട മുഖത്തല, ശാസ്താംകോട്ട ബ്ലോക്ക് പഞ്ചായത്തുകളിൽ ഉൾപ്പെട്ട 12 ഗ്രാമപഞ്ചായത്തുകളിലാണ് നീർച്ചാൽ മാപ്പിംഗ് നടത്തുന്നത്.

കേരള സ്റ്റേറ്റ് ഐ.ടി മിഷൻ നടപ്പാക്കുന്ന മാപ്പത്തോൺ കേരള പ്രക്രിയയിൽ ഉൾപ്പെടുത്തി ഉപഗ്രഹ ചിത്രങ്ങളുടെ അടി​സ്ഥാനത്തി​ലും നേരിട്ടുള്ള സന്ദർശനത്തിലൂടെയുമാണ് നീർച്ചാൽ ശൃംഖല കണ്ടെത്തുന്നത്. തുടർന്ന് തദ്ദേശ സ്ഥാപന ജനപ്രതിനിധികൾ, ഉദ്യോഗസ്ഥർ, പാടശേഖര സമിതികൾ, തദ്ദേശവാസികൾ എന്നിവർക്ക് മുന്നി​ൽ വി​ഷയം അവതരി​പ്പി​ക്കും.

പശ്ചിമഘട്ട മേഖലയിൽ ഉൾപ്പെട്ട ആര്യങ്കാവ്, തെന്മല, കുളത്തൂപ്പുഴ, ഏരൂർ, അലയമൺ, ചിതറ, പിറവന്തൂർ എന്നീ ഗ്രാമപഞ്ചായത്തുകളിലെ നീർച്ചാലുകളുടെ മാപ്പിംഗ് ഹരിതകേരളം മിഷൻ ഒരു വർഷം മുമ്പ് പൂർത്തി​യാക്കി​യി​രുന്നു. വെള്ളപ്പൊക്കം, മണ്ണിടിച്ചിൽ തുടങ്ങിയ പ്രകൃതി ദുരന്തങ്ങൾ ഒഴിവാക്കാനുള്ള പ്രവർത്തനങ്ങൾ മാപ്പിംഗിന്റെ അടിസ്ഥാനത്തിൽ ഇവിടങ്ങളിൽ പുരോഗമിക്കുകയാണ്.

ഉടൻ പൂർത്തിയാക്കും

 ജല ബഡ്ജറ്റ് അടുത്ത മാസത്തോടെ പൂർത്തിയാക്കും

 പുഴ, തോട്, കുളം, കിണർ എന്നിവിടങ്ങളിലെ ജലലഭ്യത ശേഖരിക്കും

 ജല ബഡ്ജറ്റ് റിപ്പോർട്ടിന് പിന്നാലെ നീർച്ചാൽ മാപ്പിംഗും പൂർത്തിയാക്കും

നീർച്ചാലുകൾ നേരിടുന്ന പ്രശ്നങ്ങൾ മനസിലാക്കാനാണ് ജല ബഡ്ജറ്റിന് പിന്നാലെ മാപ്പിംഗ് ആരംഭിച്ചത്. സെമി ക്രിട്ടിക്കൽ ബ്ലോക്കുകളിലെ മാപ്പിംഗ് ഈ മാസം തന്നെ പൂർത്തീകരിക്കാനാണ് ശ്രമം

ഹരിതകേരളം മിഷൻ അധികൃതർ