45-ാം വയസിൽ വീനസ് വില്യംസ് യു.എസ് ഓപ്പണിന്

ന്യൂയോർക്ക് : രണ്ടുവട്ടം വനിതാ സിംഗിൾസ് കിരീ‌ടം നേടിയിട്ടുള്ള അമേരിക്കൻ താരം വീനസ് വില്യംസ് ഇത്തവണ യുഎസ് ഓപ്പൺ ടെന്നീസിൽ കളിക്കും. നാ‍ൽപത്തിയഞ്ചുകാരിയായ വീനസിനു വൈ‍ൽ‍ഡ് കാർഡ് എൻട്രി നൽകിയാണ് സംഘാടകർ കളിപ്പിക്കുന്നത്. ഓഗസ്റ്റ് 25 മുതലാണ് ഈ വർഷത്തെ യുഎസ് ഓപ്പൺ മത്സരങ്ങൾ.

16 മാസത്തെ ഇടവേളയ്ക്കു ശേഷം കഴിഞ്ഞ മാസം കളത്തിലിറങ്ങി വാഷിംഗ്ടൺ ഓപ്പണിലെ ആദ്യ റൗണ്ട് ജയിച്ച വീനസ്, ഒരു ഡബ്ല്യു.ടി.എ സിംഗിൾസ് മത്സരം ജയിക്കുന്ന പ്രായം കൂടിയ താരമെന്ന റെക്കാഡ് സ്വന്തമാക്കിയിരുന്നു.