കോന്നി കരിയാട്ടം : പോസ്റ്റർ പ്രകാശനം ഇന്ന്

കോന്നി : കോന്നി കരിയാട്ടത്തിന്റെ പോസ്റ്റർ പ്രകാശനം ഇന്ന് ഉച്ചയ്ക്ക് 1.30ന് ജലവിഭവ വകുപ്പ് മന്ത്രി റോഷി അഗസ്റ്റിൻ ജില്ലാ കളക്ടർ എസ്.പ്രേംകൃഷ്ണന് നൽകി നിർവഹിക്കും. അഡ്വ.കെ.യു.ജനീഷ് കുമാർ എം.എൽ.എ അദ്ധ്യക്ഷത വഹിക്കും.

എം.എൽ.എയുടെ നേതൃത്വത്തിൽ സംസ്ഥാന ടൂറിസം, സാംസ്കാരികം , വ്യവസായം, തദ്ദേശ സ്വയം ഭരണ വകുപ്പുകളുടെയും ഫോക് ലോർ അക്കാദമിയുടെയും ആഭിമുഖ്യത്തിൽ 30 മുതൽ സെപ്തംബർ എട്ട് വരെ കോന്നി കെ.എസ്.ആർ.ടി.സി മൈതാനിയിലാണ് കരിയാട്ടം എക്സ്പോ സംഘടിപ്പിച്ചിരിക്കുന്നത്. പ്രതിഭാസംഗമം, ചിത്ര പ്രദർശനം, ചലച്ചിത്ര മേള, മെഡിക്കൽ ക്യാമ്പുകൾ, സെമിനാറുകൾ, കയാക്കിംഗ് ഫെസ്റ്റ്, കുട്ടവഞ്ചി തുഴച്ചിൽ മത്സരം, ഗജമേള, തൊഴിൽ മേള, ഓണാഘോഷ പരിപാടികൾ, കലാസന്ധ്യ എന്നിവയും സംഘടിപ്പിച്ചിട്ടുണ്ട്.