ഭിന്നശേഷി അവാർഡ്: അപേക്ഷ ക്ഷണിച്ചു

തിരുവനന്തപുരം: ഭിന്നശേഷിമേഖലയിൽ മികച്ച പ്രവർത്തനം കാഴ്ചവച്ച വ്യക്തികൾ / സ്ഥാപനങ്ങൾ എന്നിവയ്ക്ക് സാമൂഹ്യനീതിവകുപ്പ് ഏർപ്പെടുത്തുന്ന സംസ്ഥാന ഭിന്നശേഷി അവാർഡിന് അപേക്ഷ ക്ഷണിച്ചു.സർക്കാർ/സ്വകാര്യമേഖല ജീവനക്കാർ, ഭിന്നശേഷിക്കാർക്ക് തൊഴിൽലഭ്യമാക്കിയ തൊഴിൽദായകർ, ഭിന്നശേഷി മേഖലയിൽ മികച്ച പ്രവർത്തനം കാഴ്ചവച്ചിട്ടുള്ള തദ്ദേശസ്വയംഭരണസ്ഥാപനം തുടങ്ങി 16 വിഭാഗങ്ങളിലായി 30 അവാർഡുകളാണ് നൽകുന്നത്. കാഷ് അവാർഡും സർട്ടിഫിക്കറ്റും മൊമെന്റോയും ചേർന്നതാണ് അവാർഡ്. നോമിനേഷനുകൾ ലഭിക്കേണ്ട അവസാനതീയതി സെപ്‌തംബർ15. അപേക്ഷാഫോറങ്ങൾ https://sjd.kerala.gov.in ൽ നിന്നോ തൃശൂർ ചെമ്പുകാവ് മിനി സിവിൽ സ്റ്റേഷനിൽ പ്രവർത്തിക്കുന്ന ജില്ലാ സാമൂഹ്യനീതി ഓഫീസിൽനിന്നോ ലഭിക്കും. 0487 - 2321702.