ബൈക്കിലെത്തി വൃദ്ധയുടെ മാല പൊട്ടിച്ചു

അമല നഗർ : പള്ളിയിൽ പോകുകയായിരുന്ന വൃദ്ധയുടെ ബൈക്കിലെത്തിയ മോഷ്ടാവ് കവർന്നു. ഞായറാഴ്ച രാവിലെ ഒമ്പതോടെയായിരുന്നു സംഭവം. രണ്ട് പവനോളം വരുന്ന മാലയാണ് നഷ്ടപ്പെട്ടത്. പേരാമംഗലം ചിറ്റിലപ്പിള്ളി ജോജോ ലോഡ്ജിന് സമീപത്ത് വച്ചാണ് മാല കവർന്നത്. സമീപത്ത് വീടുകൾ ഉണ്ടെങ്കിലും ആ സമയത്ത് പുറത്ത് ആളുണ്ടായിരുന്നില്ല. വൃദ്ധയുടെ പരാതിയെ തുടർന്ന് പേരാമംഗലം പൊലീസ് കേസെടുത്ത് അന്വേഷണം ആരംഭിച്ചു. മാല പൊട്ടിക്കുന്ന സി.സി.ടി.വി ദൃശ്യങ്ങൾ സമീപത്തെ വീട്ടിൽ നിന്ന് പൊലീസ് ശേഖരിച്ചു. ഇത് കേന്ദ്രീകരിച്ചാണ് അന്വേഷണം.