ഡോ. പ്രമോദ് പയ്യന്നൂരിന് സഫ്ദർ ഹാഷ്മി പുരസ്ക്കാരം

തിരുവനന്തപുരം:ജോസ്ചിറമ്മേൽ നാടകദ്വീപിന്റെ പ്രഥമ റിമബെറെൻസ് സഫ്ദർ ഹാഷ്മി പുരസ്‌കാരത്തിന് നാടകപ്രയോക്താവും ചലച്ചിത്ര സംവിധായകനുമായ ഡോ.പ്രമോദ് പയ്യന്നൂർ അർഹനായി. ബാദൽ സർക്കാർ പുരസ്ക്കാരം തമിഴ് നാടകാധ്യാപകനും, പ്രശസ്ത നാടക രചയിതാവും സംവിധായകനുമായ പ്രളയൻ ഷണ്മുഖ സുന്ദരത്തിന് നൽകാൻ തീരുമാനിച്ചു.ഒക്ടോബർ 26ന് തൃശ്ശൂർ വല്ലച്ചിറയിലെ നാടകദ്വീപിൽ നടക്കുന്ന തിയേറ്റർ ഫെസ്റ്റിന്റെ സമാപന ചടങ്ങിൽ ഫലകവും പ്രശസ്തിപത്രവും 30,000രൂപയുടെ കാഷ് അവാർഡും അടങ്ങുന്നതാണ് പുരസ്‌കാരം.സ്‌കൂൾ ഓഫ് ഡ്രാമ ഡയറക്ടർ ഡോ.അഭിലാഷ് പിള്ള, പ്രമുഖ കവി രാവുണ്ണി എന്നിവർ അവാർഡുകൾ സമർപ്പിക്കും.നാടകപ്രയോക്താവും ചലച്ചിത്ര സംവിധായകനുമായ സഫ്ദർ ഹാഷ്മിയുടെ 'മരണവും ജീവിതവും' എന്ന പുസ്തകത്തിന്റെ വിവർത്തകനുമാണ് ഡോ.പ്രമോദ് പയ്യന്നൂർ.