30 ദിവസം പിന്നിട്ട് തിരുമുക്ക് അടിപ്പാത സമരം

ചാത്തന്നൂർ: തിരുമുക്കിൽ വലിയ വാഹനങ്ങൾക്ക് കടന്നുപോകാൻ കഴിയുന്ന തരത്തിൽ അടിപ്പാത ശാസ്ത്രീയമായി പുതുക്കിപ്പണിയണമെന്ന് ആവശ്യപ്പെട്ട് തിരുമുക്ക് അടിപ്പാത സമരസമിതി നേതൃത്വത്തിൽ നടത്തുന്ന സമരത്തിന്റെ 31-ാം ദിവസം

ചാത്തന്നൂർ വികസന സമിതിയുടെയും ചാത്തന്നൂർ വൈ.എം.സി.എയുടെയും നേതൃത്വത്തിൽ പ്രവർത്തകർ സത്യഗ്രഹമനുഷ്ടിച്ചു.

ചിറക്കര ഗ്രാമ പഞ്ചായത്ത് പ്രസിഡൻ്റ് ടി.ആർ.സജില പ്രതിഷേധ ജ്വാല തെളിയിച്ച് ഉദ്ഘാടനം ചെയ്തു. വൈ.എം.സി.എ സെക്രട്ടറി ഷിജു ജോൺ അദ്ധ്യക്ഷത വഹിച്ചു. ചാത്തന്നൂർ വികസന സമിതി ചെയർമാൻ ജി.രാജശേഖരൻ, സന്തോഷ് പാറയിൽക്കാവ്, വൈ.എം.സി.എ പ്രസിഡന്റ് അജിത്ത് ഐസക്, സമരസമിതി ജനറൽ കൺവീനർ.കെ.കെ. നിസാർ, അനിൽ കുമാർ എന്നിവർ സംസാരിച്ചു.

ഇന്ന് വൈകിട്ട് 5 മുതൽ പരവൂർക്കാർ യുവജന കൂട്ടായ്മയുടെ നേതൃത്വത്തിലാണ് സായാഹ്ന സത്യഗ്രഹസമരം നടക്കുന്നത്. സിറാജുദ്ദീൻ സത്യഗ്രഹമനുഷ്ടിക്കും. ചാത്തന്നൂർ ഗ്രാമപഞ്ചായത്ത് അംഗം രേണുക രാജേന്ദ്രൻ ഉദ്ഘാടനം ചെയ്യും.