ബിഗ് ബോസിൽ പോയത് ട്രോഫി കിട്ടാനല്ല, ലക്ഷ്യം മറ്റൊന്ന്; ഷോയിൽ പങ്കെടുത്ത ശേഷം ജീവിതത്തിൽ വന്ന മാറ്റത്തെപ്പറ്റി രേണു സുധി

ബിഗ് ബോസ് സീസൺ 7ലെ മത്സരാർത്ഥിയായിരുന്നു രേണു സുധി. 35 ദിവസം ബിഗ് ബോസ് ഹൗസിൽ കഴിഞ്ഞ അവർ തനിക്ക് പുറത്തുപോകണമെന്ന് ആവശ്യപ്പെടുകയായിരുന്നു. ഷോയിൽ പങ്കെടുത്തത് എന്തിനാണെന്നും അതിനുശേഷം ജീവിതത്തിൽ എന്തൊക്കെ മാറ്റങ്ങൾ ഉണ്ടായെന്നും വെളിപ്പെടുത്തിയിരിക്കുകയാണ് രേണു. ഒരു യൂട്യൂബ് ചാനലിനോട് സംസാരിക്കുകയായിരുന്നു അവർ.

'ബിഗ് ബോസ് ഫെയ്ക്ക് ആയി തോന്നുന്നില്ല. അഞ്ച് ദിവസം നമ്മുടെ ക്യാരക്ടർ മൂടിവയ്ക്കാനാകും. പിന്നെ എന്തായാലും നമ്മുടെ ക്യാരക്ടർ വെളിയിലാകും. അവിടെ നിന്നതുകൊണ്ടാണ് ഞാൻ ഇത് പറയുന്നത്. എനിക്ക് ട്രോഫി കിട്ടണമെന്നൊന്നും ഞാൻ പറഞ്ഞിട്ടില്ല. നെഗറ്റീവ് പറയുന്നവരുടെ മുന്നിൽ ലാലേട്ടന്റെ കൈപിടിച്ച് ഒരു ദിവസമെങ്കിലും ആ ഹൗസിൽ കയറണമെന്ന് ആഗ്രഹിച്ചിരുന്നു. ഒരു ദിവസം നിൽക്കാൻ ചെന്ന ഞാൻ 35 ദിവസം നിൽക്കുകയും ചെയ്തു. ഞാൻ എവിക്ഷൻ ആയിട്ടുമില്ല, വാക്കൗട്ട് ആയി വന്നു. എനിക്ക് ഹെൽത്ത് ഓക്കെയല്ലായിരുന്നു.

ബിഗ് ബോസിന് ശേഷം ഒരുപാട് അവസരങ്ങൾ വന്നു. ഹാപ്പിയാണ്. സ്റ്റേബിളായി വരുന്നു. ലൊക്കേഷനിൽ നിന്ന് ലൊക്കേഷനിലേക്കും മറ്റും പോയിക്കൊണ്ടിരിക്കുകയാണ്. ഇതിനുമുമ്പും ഇങ്ങനെയായിരുന്നു. പക്ഷേ ഇപ്പോൾ കുറച്ച് തിരക്ക് കൂടി.

ബിഗ് ബോസ് മത്സരാർത്ഥികളിൽ അനീഷിനെയാണ് സപ്പോർട്ട് ചെയ്യുന്നത്. അനീഷ് നല്ല ഗെയിമറാണ്. എല്ലാവരും നന്നായി കളിക്കട്ടെ. അനുമോൾ, അനീഷ്, അക്ബർ, നൂറ, ഷാനവാസ് എന്നിവർ ഫൈനൽ 5ൽ എത്തുമെന്നാണ് കരുതുന്നത്.'- രേണു സുധി പറഞ്ഞു.