രാഷ്ട്രപതിക്ക് അത്താഴം ചോറ്,​ ചപ്പാത്തി,​ ബീൻസ് തോരൻ,​ മുരിങ്ങക്ക സൂപ്പ്

തിരുവനന്തപുരം: രാഷ്ട്രപതി ദ്രൗപദി മുർമുവിന് ഇന്നലെ രാജ്ഭവനിൽ അത്താഴത്തിന് ഒരുക്കിയത് ചോറും ബീൻസ് തോരനും മുരിങ്ങക്ക സൂപ്പും ഉൾപ്പെടെയുള്ള വെജിറ്റേറിയൻ ഭക്ഷണം. ഒപ്പം കരിക്ക് പുഡ്ഡിംഗും. ചപ്പാത്തി, വെള്ള കടലക്കറി, റാഗി റൊട്ടി, വെജിറ്റബിൾ കോലാപൂരി, മിക്‌സഡ് വെജിറ്റബിൾ കിച്ചടി,​ തൈര്, പപ്പടം, അച്ചാർ, വെജിറ്റബിൾ ലീഫ് സാലഡ്, വെജിറ്റബിൾ കബാബ്, മസൂർദാൽ (ചുവന്ന പരിപ്പ് )ഫ്രൈ, കൂൺ നെയ്യ് റോസ്റ്റ്, കാപ്‌സിക്കം ബജി, ബിന്ദി ഫ്രൈ എന്നിവയുമുണ്ടായിരുന്നു. രാഷ്ട്രപതിയുടെ സുരക്ഷാ സംഘത്തിന്റെ മേൽനോട്ടത്തിലാണ് ഭക്ഷണം തയ്യാറാക്കിയത്.