യു.ഡി.എഫ് പ്രകടന പത്രിക

കൊച്ചി: കൊച്ചിയെ തെക്കേ ഇന്ത്യയിലെ ആദ്യത്തെ സമ്പൂർണ സ്മാർട്ട് നഗരമാക്കുമെന്ന് വാഗ്ദാനം ചെയ്യുന്ന യു.ഡി​.എഫി​ന്റെ പ്രകടനപത്രി​ക എ.ഐ.സി.സി ജനറൽ സെക്രട്ടറി കെ.സി വേണുഗോപാൽ പ്രകാശനം ചെയ്തു. മെട്രോ റെയിൽ ലിമിറ്റഡിന് ചുമതല ഏൽപ്പിച്ച അർബൻ മാസ് ട്രാൻസ്പോർട്ട് കമ്പനി രൂപം കൊടുത്ത സമഗ്ര ഗതാഗത പദ്ധതി ഘട്ടംഘട്ടമായി നടപ്പാക്കും. സീറോ വേസ്റ്റ് കൊച്ചി, ബ്രഹ്മപുരത്തെ സി.ബി.ജി പ്ലാന്റ് ശേഷി​ 300 ടണ്ണാക്കൽ, പ്ലാസ്റ്റിക്കിൽ നിന്ന് ഇന്ധനം ഉണ്ടാക്കുന്ന പ്ലാന്റ്, ബോട്ട് ജെട്ടിയി​ലെ 3 ഏക്കർ പുഴ പുറമ്പോക്കിലെ കൈയ്യേറ്റം ഒഴിവാക്കി മട്ടാഞ്ചേരി ഫോർട്ടുകൊച്ചി റോ-റോ ഫെറി സർവീസ്, തുടങ്ങി​യവയാണ് വാഗ്ദാനങ്ങൾ. ചടങ്ങിൽ ഡി.സി.സി പ്രസിഡന്റ് മുഹമ്മദ് ഷിയാസ് അദ്ധ്യക്ഷത വഹിച്ചു.