തൃക്കാർത്തിക മഹോത്സവം

ചേർപ്പ്: ഊരകത്തമ്മ തിരുവടി ക്ഷേത്രത്തിൽ തൃക്കാർത്തിക മഹോത്സവത്തിന് തുടക്കമായി. നാളെ വൈകിട്ട് കാർത്തിക ഊട്ടിന് ആവശ്യമായ വിഭവസമർപ്പണം, വിവിധ ദേശങ്ങളിൽ നിന്നും പുരസ്‌കാരങ്ങൾ ലഭിച്ച ക്ഷേത്ര ജീവനക്കാരായ കൊമ്പത്ത് അനിൽകുമാർ, കൊമ്പത്ത് ചന്ദ്രൻ, തൃപ്പേക്കുളം ഉണ്ണിക്കൃഷ്ണൻ മാരാർ, വടക്കേ പുഷ്പകത്ത് രാമൻകുട്ടി നമ്പീശൻ, മേള പ്രമാണി ചെറുശ്ശേരി പണ്ടാരത്തിൽ കുട്ടൻമാരാർ എന്നിവർക്ക് ആദരം ഉണ്ടാകും. കാർത്തിക ദിവസമായ നാലിന് രാവിലെ ചതൂശ്ശത നിവേദ്യം, ശീവേലി എഴുന്നള്ളിപ്പ്,​ പഞ്ചാരിമേളം, പ്രസാദഊട്ട്, ഉച്ചകഴിഞ്ഞ് 3.30ന് കാഴ്ചശിവേലി, ധ്രുവം മേളം, സന്ധ്യക്ക് ഒറ്റപ്പാലം ഹരി, ചെറുശ്ശേരി ആനന്ദ്, ചെറുശ്ശേരി അർജുൻ എന്നിവർ നയിക്കുന്ന ട്രിപ്പിൾ തായമ്പക എന്നിവ ഉണ്ടാകും.