പാട്ടുവേദി ഉദ്ഘാടനം

പരവൂർ: നെടുങ്ങോലം ഉദാരശിരോമണി പത്മനാഭറാവു സ്മാരക ഗ്രന്ഥശാലയിൽ പാട്ടുവേദി ഉദ്ഘാടനം ചെയ്തു. ഗ്രന്ഥശാലാ പ്രസിഡന്റ് ജയലാൽ ഉണ്ണിത്താൻ അദ്ധ്യക്ഷനായി. താലൂക്ക് ലൈബ്രറി കൗൺസിൽ സെക്രട്ടറി അഡ്വ. കെ.പി.സജിനാഥ് ഉദ്ഘാടനം ചെയ്തു. പാട്ടുവേദി സെക്രട്ടറി വി.കെ.ലാൽ കുമാർ റിപ്പോട്ട് അവതരിപ്പിച്ചു. ഗ്രന്ഥശാലാ വൈസ് പ്രസിഡന്റ് നാജി അസീസ്, ഗ്രന്ഥശാലയുടെ ബാലവേദി സെക്രട്ടറി അദ്വൈത്, പ്രസിഡന്റ് സന്ദീപ് സന്തോഷ്, വയോജന വേദി അംഗം ശ്രീധരൻ, സിനിലാൽ, ദിനചന്ദ്രൻ എന്നിവർ സംസാരിച്ചു. അനിൽദേവ്, സംഗീത അദ്ധ്യാപിക രാധാമണി, വിസിൽ ഗായിക ശ്രുതിസാന്ദ്ര എന്നിവരെ ചടങ്ങിൽ ആദരിച്ചു. തുടർന്ന് പാട്ടുവേദി അംഗങ്ങളുടെ കരാക്കേ ഗാനമേള നടന്നു. ഗ്രന്ഥശാല സെക്രട്ടറി കെ.ജയചന്ദ്രൻ സ്വാഗതം പറഞ്ഞു.