തമിഴ്നാട് സ്വദേശികളായ ശബരിമല തീർത്ഥാടകർ വനത്തിൽ കുടുങ്ങി

കൊല്ലം: തമിഴ്നാട്ടിൽ നിന്നുള്ള ശബരിമല തീർത്ഥാടകസംഘം വഴിതെറ്റി അച്ചൻകോവിൽ വനത്തിൽ കുടുങ്ങി. തിരുനെൽവേലിയിൽ നിന്ന് ശബരിമലക്ക് കാൽനടയായി വരി​കയായിരുന്ന ഒരു കുട്ടിയും വൃദ്ധനും അടക്കമുള്ള സംഘമാണ് കുടുങ്ങി​യത്.

അച്ചൻകോവിൽ എത്തിയ സംഘം കല്ലേലി, കോന്നി വഴിയുള്ള കാനനപാതയിലൂടെ സഞ്ചരിക്കുമ്പോഴാണ് ശനിയാഴ്ച വൈകിട്ട് കാട്ടിൽ കുടുങ്ങിയത്. വഴിതെറ്റിയ ഇവർ അച്ചൻകോവിൽ ആറിന്റെ തീരത്ത് പാറപ്പുറത്ത് അഭയം പ്രാപിച്ചു. കൈവശമുള്ള ആഹാരവും വെള്ളവും തീർന്നു. മണ്ണാറപ്പാറ ഫോറസ്റ്റ് റേഞ്ചിന്റെ ഉൾഭാഗത്താണ് ഇവർ അകപ്പെട്ടതായി​ അറി​യുന്നത്. എന്നാൽ വ്യക്തമായ വി​വരം ലഭി​ച്ചി​ട്ടി​ല്ല. ശനിയാഴ്ച രാത്രി വൈകിയും ഇവരെ രക്ഷപ്പെടുത്താൻ കഴിഞ്ഞിട്ടില്ല.