മെഹഫിൽ സംഗീത സായാഹ്നം

കുന്ദമംഗലം: തീരം റസിഡൻസ് അസോസിയഷേൻ ക്രിസ്മസ്- നവവത്സരാഘോഷത്തിന്റെ ഭാഗമായി മെഹഫിൽ സംഗീത സായാഹ്നം സംഘടിപ്പിച്ചു. താളിക്കുണ്ട് വയോജന പാർക്കിൽ നടന്ന പരിപാടി വാർഡ് മെമ്പർ ബിജു പുതക്കണ്ടി ഉദ്ഘാടനം ചെയ്തു. തീരം പ്രസിഡന്റ് സുലൈമാൻ കുന്നത്ത് അദ്ധ്യക്ഷത വഹിച്ചു. അങ്കണവാടിക്ക് സൗജന്യമായി സ്ഥലം നൽകിയ സി.ഖദീജ പാറപ്പുറത്ത്, ദേശീയ സബ് ജൂനിയർ വോളിബോൾ ചാമ്പ്യൻഷിപ്പിലേക്ക് സെലക്ഷൻ നേടിയ കെ.ശ്രേയ, മികച്ച ഫോട്ടോഗ്രാഫറായി തീരം തെരഞ്ഞെടുത്ത ഫാത്തിമ മിസ്രിയ, പ്ലസ് ടു വിജയികളായ അനൈന ഫാത്തിമ, ആഷ്നജ് എന്നിവരെ ഉപഹാരം നൽകി അനുമോദിച്ചു. രവീന്ദ്രൻ കുന്ദമംഗലം, യൂസഫ്, അഖിൽ, മഹേഷ് എന്നിവർ പ്രസംഗിച്ചു. സെക്രട്ടറി പി.വി ഗണേശൻ സ്വാഗതവും ഗേപൻ മെയ്ജി നന്ദിയും പറഞ്ഞു.