ജെ.എസ്.എസ് ജില്ലാ സമ്മേളനം നടന്നു

തിരൂർ: ജനാധിപത്യ സംരക്ഷണ സമിതി (ജെ.എസ്.എസ്)​ ജില്ലാ സമ്മേളനം തിരൂരിൽ സംസ്ഥാന ജനറൽ സെക്രട്ടറി അഡ്വ. എ.എൻ.രാജൻ ബാബു ഉദ്ഘാടനം ചെയ്തു. ജില്ലാ സെക്രട്ടറി സി.എം.കെ മുഹമ്മദ് അദ്ധ്യക്ഷത വഹിച്ച ചടങ്ങിൽ മലപ്പുറം ജില്ല വിഭജിക്കണമെന്ന് സമ്മേളനം ആവശ്യപ്പെട്ടു. സംസ്ഥാന സെക്രട്ടറി കാട്ടുകുളം സലീം അഭിലാഷ് നാഥ്,​ ശിവാനന്ദൻ,​ എംപി മുഹമ്മദ്,​ സി.ഹംസ,​ പി.ഉസ്മാൻ,​ കെ.ഷാജി,​ ലക്ഷ്മി വളാഞ്ചേരി,​ പി.സുഹറ പ്രസംഗിച്ചു. സന്തോഷ് കുമാർ സ്വാഗതവും വി.ഹരിദാസ് നന്ദിയും പറഞ്ഞു.