അങ്കണവാടിയിലേക്ക് സാധനങ്ങൾ കൈമാറി

കൊല്ലം: പുനലൂർ റോട്ടറി ക്ലബിന്റെ ആഭിമുഖ്യത്തിൽ പുനലൂർ പവർഹൗസ് വാർഡിൽ കരിക്കത്തിൽ പ്രസേനൻ മെമ്മോറിയൽ അങ്കണവാടിക്ക് ആവശ്യമായ സാധനങ്ങൾ വിതരണം ചെയ്തു. കുട്ടികളുടെ കസേരകൾ, മേശ, വാട്ടർ പ്യൂരിഫയർ, ടെലിവിഷൻ എന്നിവയാണ്​ വിതരണം ചെയ്തത്. ക്ലബ് പ്രസിഡന്റ് സുനിൽകുമാർ, സെക്രട്ടറി പി. പ്രതാപൻ, അസി. ഗവർണർ എസ്. എബി എന്നിവരിൽ നിന്ന് വാർഡ് കൗൺസിലർ ജി. ജയപ്രകാശ്, അങ്കണവാടി വർക്കർ ലത എന്നിവർ സാധനങ്ങൾ ഏറ്റുവാങ്ങി. അങ്കണവാടികളെ സ്മാർട്ട്​ ആക്കുന്ന റോട്ടറി ക്ലബ് പ്രവർത്തനതിന്റെ ഭാഗമായാണ് പരിപാടി സംഘടിപ്പിച്ചത്. ക്ലബ് ഭാരവാഹികളായ എൻ.ജി. പിള്ള, പി.എസ്. നായർ, ഡോ. ടി.എൻ. സുധാകരൻ നായർ, അൻജിത്ത് കുമാർ എന്നിവർ പങ്കെടുത്തു.