നിയമസഭാ തിരഞ്ഞെടുപ്പ്; വോട്ടിന് ഓഫർ വിദേശയാത്ര, ഭാരവാഹികൾക്ക് വമ്പൻ വാഗ്ദാനം

മലപ്പുറം: നിയമസഭാ തിരഞ്ഞെടുപ്പിൽ തവനൂരിലെ യുഡിഎഫ് പ്രവർത്തകർക്ക് കൂടുതൽ വാഗ്ദാനങ്ങൾ നൽകി പാർട്ടി. യുഡിഎഫ് സ്ഥാനാർത്ഥി വി എസ് ജോയിക്ക് ലീഡ് കൂടുതൽ ലഭിക്കുന്ന ബൂത്ത് കമ്മിറ്റികൾക്ക് വിദേശയാത്രയാണ് വാഗ്ദാനം ചെയ്തിരിക്കുന്നത്. മുസ്ലീം ലീഗ് സംസ്ഥാന വെെസ് പ്രസിഡന്റ് സി പി ബാവ ഹാജിയാണ് ഇക്കാര്യം കഴിഞ്ഞ ദിവസം അറിയിച്ചത്.

ഭാരവാഹികൾക്ക് 15 ദിവസത്തെ യാത്രയാണ് വാഗ്ദാനം ചെയ്തിരിക്കുന്നത്. പഞ്ചായത്ത് കമ്മിറ്റിയ്ക്കും വിദേശയാത്ര വാഗ്ദാനം ചെയ്തിട്ടുണ്ട്. സോഷ്യൽ മീഡിയയിൽ അടക്കം ഈ ഓഫർ വലിയ രീതിയിൽ ചർച്ചയാകുന്നുണ്ട്. ഇവിടെ കെ ടി ജലീലാണ് എൽഡിഎഫ് സ്ഥാനാർത്ഥി.