വൈദ്യുതി തടസം നാട്ടുകാരെ വലച്ചു

അമ്പലപ്പുഴ: കൊടുംചൂടിൽ മണിക്കൂറുകളോളം വൈദ്യുതി ബന്ധം നിലച്ചത് ജനങ്ങളെ വലച്ചു.അമ്പലപ്പുഴ സെക്ഷന് പരിധിയിലുള്ള കാക്കാഴം ,വളഞ്ഞ വഴി, അമ്പലപ്പുഴ ഭാഗങ്ങളിൽ വെള്ളിയാഴ്ച വൈകിട്ട് 5 ഓടെ നിലച്ച വൈദ്യുതിബന്ധം ശനിയാഴ്ച പുലർച്ചെയാണ് പു:നസ്ഥാപിച്ചത്. സ്ത്രീകളും കുട്ടികളും അടക്കം സെക്ഷൻ ഓഫീസിൽ എത്തി മണിക്കൂറുകളോളം കുത്തിയിരുന്നു. പകലും, രാത്രിക്കും 20 മുതൽ 30 മിനിറ്റുവരെ സ്ഥിരമായി വൈദ്യുതി ബന്ധം നിലക്കുന്നുണ്ടെന്നാണ് നാട്ടുകാർ പറയുന്നത്.ജീവനക്കാർ കുറവാണ് ,ഉടൻ തന്നെ ശരിയാക്കാമെന്നാണ് കെ.എസ്.ഇ.ബി ജീവനക്കാർ നൽകുന്ന മറുപടി.