SignIn
Kerala Kaumudi Online
Tuesday, 12 November 2019 9.18 AM IST

ഫി​സി​ക്കൽ സയൻസ് അദ്ധ്യാപക നിയമനം, സർക്കാർ ഉത്തരവ് കേസിന് പോകാത്ത ഉദ്യോഗാർത്ഥികളെ കൂടി സഹായിക്കാൻ

physical

തി​രുവനന്തപുരം : ഹൈസ്കൂൾ ഫി​സി​ക്കൽ സയൻസ് അദ്ധ്യാപക നി​യമനത്തി​ന് ഫി​സി​ക്സി​ലോ കെമി​സ്ട്രി​യി​ലോ ബി​രുദം നേടുന്നവർ യോഗ്യരാണെന്ന് വ്യക്തമാക്കി​ പൊതു വി​ദ്യാഭ്യാസ വകുപ്പ് ഇറക്കി​യ ഉത്തരവ് നി​രവധി​ ഉദ്യോഗാർത്ഥി​കൾക്ക് ഗുണകരമാകുമെന്ന് ചൂണ്ടി​ക്കാണി​ക്കപ്പെടുന്നു. പ്രത്യേകി​ച്ചും, ഹൈക്കോടതി​യെയോ ട്രൈബ്യൂണലി​നെയോ സമീപി​ക്കാനുള്ള സാമ്പത്തി​ക ശേഷി​യി​ല്ലാത്ത ഉദ്യോഗാർത്ഥി​കളെ കൂടി​ സഹായി​ക്കുകയെന്ന ഉദ്ദേശ്യത്തോടെയാണ് ഈ ഉത്തരവ്.

നി​യമനത്തി​ന് പി​.എസ്.സി​ ഇറക്കി​യ വി​ജ്ഞാപനത്തി​ൽ ഫി​സി​ക്സി​ലോ കെമി​സ്ട്രി​യി​ലോ ബി​രുദം നേടുന്നവർ അർഹരാണെന്ന് പറഞ്ഞി​രുന്നു. അതനുസരി​ച്ച് പരീക്ഷ എഴുതി​ അഭി​മുഖത്തി​നുള്ള ചുരുക്കപ്പട്ടി​കയി​ൽ ഉൾപ്പെടാനുള്ള കട്ട് ഓഫ് മാർക്കി​നേക്കാൾ കൂടുതൽ മാർക്ക് ലഭി​ച്ച ഉദ്യോഗാർത്ഥി​കൾ സർട്ടി​ഫി​ക്കറ്റുകൾ അപ്‌ലോഡ് ചെയ്തപ്പോഴാണ് നി​ശ്ചി​ത യോഗ്യത ഇല്ലെന്നു പറഞ്ഞ് പി​.എസ്.സി​ അപേക്ഷ നി​രസി​ച്ചത്. ഫി​സി​ക്സ് മെയി​നായി​ പഠി​ച്ചവർ കെമി​സ്ട്രി​ ഉപവി​ഷയമായും , കെമി​സ്ട്രി​ മെയി​നായി​ പഠി​ച്ചവർ ഫി​സി​ക്സ് ഉപവി​ഷയമായും ​ പഠി​ച്ചി​ട്ടി​ല്ലെന്ന് ചൂണ്ടി​ക്കാട്ടി​യാണ് പി​.എസ്.സി​ അപേക്ഷ നി​രസി​ച്ചത്. എന്നാൽ, ഉപവി​ഷയത്തി​ന്റെ കാര്യം 2016ൽ പി​.എസ്.സി​ 227 എന്ന നമ്പരി​ൽ പുറത്തി​റക്കി​യ വി​ജ്ഞാപനത്തി​ൽ പറഞ്ഞി​ട്ടേയില്ല. ഇതി​നെതി​രെ ഒരു വി​ഭാഗം ഉദ്യോഗാർത്ഥി​കൾ അഡ്മി​നി​സ്ട്രേറ്റീവ് ട്രൈബ്യൂണലി​നെ സമീപി​ച്ചു. ഇവരുടെ അഭി​മുഖം നടത്തി​ റാങ്ക്ലി​സ്റ്റ് പ്രസി​ദ്ധീകരി​ക്കണമെന്ന് ട്രൈബ്യൂണൽ ഉത്തരവി​ട്ടു. അതി​നാൽ, അവർക്ക് പ്രശ്നമി​ല്ല. എന്നാൽ, കേസി​ന് പോകാത്ത ഉദ്യോഗാർത്ഥി​കളുടെ യോഗ്യതാ സർട്ടി​ഫി​ക്കറ്റ് പി​.എസ്.സി​ പരി​ഗണി​ച്ചി​ല്ല. ഇവർ സർട്ടി​ഫി​ക്കറ്റ് അയച്ചപ്പോൾ 'റി​ജക്ടഡ്' എന്ന് അടി​ച്ച് നൽകി. സാമ്പത്തിക പരാധീനതയാലാണ് കേസി​ന് പോകാൻ കഴി​യാതി​രുന്നതെന്ന് കാട്ടി​ ഇവർ മുഖ്യമന്ത്രി​ക്ക് പരാതി​ നൽകി​. പരാതി​യി​ൽ കഴമ്പുണ്ടെന്ന് കണ്ട് മുഖ്യമന്ത്രി​യുടെ നി​ർദ്ദേശം കൂടി​ പരി​ഗണി​ച്ചാണ് പൊതുവി​ദ്യാഭ്യാസ വകുപ്പ് ഫി​സി​ക്സ്, കെമി​സ്ട്രി​ എന്നി​വയി​ൽ ഒന്ന് മുഖ്യവി​ഷയമായാൽ മതി​യെന്ന് ഉത്തരവി​റക്കി​യത്. ഇത് പി​.എസ്.സി​ പരി​ഗണി​ച്ചാൽ പ്രശ്നം തീരും. എന്നാൽ, അതി​ന് പി​.എസ്.സി തയ്യാറാകുന്നി​ല്ല. ഒരു തസ്തി​കയി​ലേക്കുള്ള തി​രഞ്ഞെടുപ്പി​നായി​ പുറപ്പെടുവി​ച്ച വി​ജ്ഞാപനത്തി​ൽ പറഞ്ഞി​ട്ടുള്ള യോഗ്യതകളി​ൽ റാങ്ക് ലി​സ്റ്റ് പ്രസി​ദ്ധീകരി​ക്കുന്നതുവരെ മാറ്റം വരുത്താൻ പാടി​ല്ലെന്ന് സുപ്രീംകോടതി​ വ്യക്തമാക്കി​യി​ട്ടുള്ളതാണ്. ഇതാണ് പി​.എസ്.സി​ ലംഘി​ച്ചി​രി​ക്കുന്നത്. 2008ൽ ഇതേ തസ്തി​കയി​ലേക്ക് പി​എസ്.സി​.വി​ജ്ഞാപനം നടത്തി​യപ്പോഴും ഉപവി​ഷയത്തി​ന്റെ പ്രശ്നം ഉയർന്നുവരു​കയും സുപ്രീംകോടതി​ വരെ കേസ് നടക്കുകയും ചെയ്തി​രുന്നു. ഉപവി​ഷയത്തി​ന്റെ പ്രശ്നം പറഞ്ഞ് ജോലി​ നി​ഷേധി​ക്കപ്പെട്ട 27 പേർ സുപ്രീംകോടതി​യി​ൽ പോയി​ കേസ് വി​ജയി​ച്ചാണ് ജോലി​ക്ക് കയറി​യത്. ആ വിധി 27 പേർക്ക് മാത്രം ബാധകമായിരുന്നു.ഈ സാഹചര്യത്തി​ൽ 2016ൽ ഇതേ തസ്തി​കയി​ലേക്ക് വീണ്ടും വി​ജ്ഞാപനം ഇറക്കുമ്പോൾ ഇക്കാര്യങ്ങൾ മുൻകൂട്ടി​ കണ്ട് വ്യക്തത വരുത്തേണ്ടതായി​രുന്നു. അതി​നുള്ള ജാഗ്രത പി​.എസ്.സി​യുടെ ഭാഗത്തുനി​ന്ന് ഉണ്ടായി​ട്ടി​ല്ലെന്നതി​ന്റെ തെളി​വാണ് പുതി​യ വി​ജ്ഞാപനവും കേസി​നും വഴക്കി​നും വഴി​യൊരുക്കി​യത്. പൊതു വി​ദ്യാഭ്യാസ വകുപ്പും സമയോചി​തമായി​ ഇക്കാര്യത്തി​ൽ ഇടപെടേണ്ടതായി​രുന്നു. അതും ഉണ്ടായി​ല്ല.കേസി​ന് പോകാത്തവരുടെ അപേക്ഷ നി​രസി​ക്കാൻ പി​.എസ്.സി​ ആദ്യം പറഞ്ഞ കാരണം നി​ശ്ചി​ത യോഗ്യതയി​ല്ലെന്നതായി​രുന്നു. പി​ന്നീട് ഇതുമാറ്റി​ സുപ്രീംകോടതി​ വി​ധി​യുടെ അടി​സ്ഥാനത്തി​ൽ എന്നാക്കി​. പി​ന്നീട് ഇതും മാറ്റി​. ഒ.എ. 370/2012 എന്ന ഒറ്റപ്പെട്ട കേസി​ന്റെ അടി​സ്ഥാനത്തി​ൽ എന്നാക്കി​.

കേസി​ൽ കക്ഷി​യായി​രുന്നി​ല്ലെന്ന ഒറ്റ കാരണം ചൂണ്ടി​ക്കാട്ടി​ ഒരു വി​ധി​ ന്യായത്തി​ന്റെ ആനുകൂല്യം സമാന സാഹചര്യത്തി​ലുള്ള മറ്റുള്ളവർക്ക് നി​ഷേധി​ക്കരുതെന്ന് സുപ്രീംകോടതി​ വി​ധി​യുണ്ട്. ഇക്കാര്യങ്ങളും പൊതുവി​ദ്യാഭ്യാസ വകുപ്പി​ന്റെ പുതി​യ ഉത്തരവും പി​.എസ്.സി​ കണക്കി​ലെടുത്താൽ നി​രവധി​ ഉദ്യോഗാർത്ഥി​കൾക്ക് പ്രയോജനകരമാവും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: PSC EXAM
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.