കൊവിഡ് രോഗികൾ 14 ലക്ഷം,​ പ്രതിദിന രോഗികൾ അരലക്ഷം കടന്നു

ന്യൂഡൽഹി: രാജ്യത്തെ കൊവിഡ് വ്യാപനം അതിരൂക്ഷമാക്കി പ്രതിദിന രോഗികളുടെ എണ്ണം ഇതാദ്യമായി അരലക്ഷംകടന്നു. ശനിയാഴ്ച 50,072 പേർക്കാണ് പുതുതായി രോഗം സ്ഥിരീകരിച്ചത്. 703 മരണം. ഇതോടെ ആകെ രോഗികൾ 14 ലക്ഷം പിന്നിട്ടു. മരണം 33,000ത്തോളമായി.

 നോയിഡയിലും മുംബയിലും കൊൽക്കത്തയിലും കൊവിഡ് പരിശോധനാ കേന്ദ്രങ്ങൾ ഇന്ന് വീഡിയോ കോൺഫറൻസിംഗിലൂടെ പ്രധാനമന്ത്രി നരേന്ദ്രമോദി ഉദ്ഘാടനം ചെയ്യും. മഹാരാഷ്ട്ര, ഉത്തർപ്രദേശ്, പശ്ചിമബംഗാൾ മുഖ്യമന്ത്രിമാർ ചടങ്ങിൽ പങ്കെടുക്കും.

 മഹാരാഷ്ട്രയിൽ 9431 പുതിയ രോഗികളും 267 മരണവും. ആകെ രോഗികൾ 3.75 ലക്ഷം കടന്നു.
 ഡൽഹിയിൽ 1075 പുതിയ രോഗികളും 21 മരണവും. ആകെ കേസുകൾ 1.30 ലക്ഷം പിന്നിട്ടു.
 ഉത്തർപ്രദേശിൽ പ്രതിദിന രോഗികളുടെ എണ്ണം ഇതാദ്യമായി മൂവായിരം കടന്നു. 39 മരണവും.

 ഹൈദരാബാദ് മേയർ ബൊന്ദു രാമമോഹന് കൊവിഡ്.
 തമിഴ്നാട്ടിൽ 38 ബാങ്ക് ജീവനക്കാർക്ക് കൊവിഡ്

 സിക്കിം ആഗസ്റ്റ് ഒന്നുവരെ ലോക്ക്ഡൗൺ നീട്ടി.
 കൊവിഡ് സ്ഥിരീകരിച്ച മദ്ധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാനെ ആശുപത്രിയിൽ പ്രവേശിപ്പിച്ചു. സമ്പർക്കത്തിൽ വന്ന മുതിർന്ന നേതാക്കളും മന്ത്രിമാരും ക്വാറന്റൈനിൽ പ്രവേശിച്ചു.
 ഉത്തർപ്രദേശിൽ ജില്ലാ ജയിലിലെ 36 തടവുകാർക്ക് കൊവിഡ്
 സിക്കിമിൽ ആദ്യ കൊവിഡ് മരണം. കിഴക്കൻ ജില്ലയിലെ റോംഗ്ലിലിയിൽ നിന്നുള്ള 74കാരനാണ് മരിച്ചത്.