SignIn
Kerala Kaumudi Online
Friday, 04 December 2020 1.55 AM IST

സ്‌കൂൾ പാചക തൊഴിലാളികൾക്ക് വേതനം ലഭിച്ചിട്ട് രണ്ട് മാസം തിരുവോണ നാളിൽ ഉപവാസം

pachaka

തൃശൂർ: സംസ്ഥാനത്തെ സ്‌കൂൾ പാചക തൊഴിലാളികൾക്ക് വേതനം ലഭിച്ചിട്ട് രണ്ട് മാസം. ആയിരക്കണക്കിന് തൊഴിലാളികളും കുടുംബങ്ങളും പട്ടിണിയിൽ. സ്‌കൂളുകൾ തുറക്കാത്തതിനാൽ ഇവർക്ക് ജോലി നഷ്ടമായി.

അദ്ധ്യാപകർ, മറ്റ് ജീവനക്കാർ എന്നിവർക്ക് ശമ്പളമടക്കം ലഭിക്കുമ്പോൾ സ്‌കൂളിന്റെ ഭാഗമായി പ്രവർത്തിക്കുന്ന പാചക തൊഴിലാളികളെ സർക്കാർ അവഗണിക്കുകയാണെന്ന് സ്‌കൂൾ പാചക തൊഴിലാളി സംഘടനാ നേതാക്കൾ പത്രസമ്മേളനത്തിൽ പറഞ്ഞു. 2017 മുതൽ ഇവർക്ക് 150 രൂപയുടെ വർദ്ധനവ് പ്രഖ്യാപിക്കുകയും ഇതിന്റെ ഉത്തരവ് പുറത്തിറങ്ങി ഒരു വർഷമായിട്ടും കുടിശ്ശിക പോലും നൽകിയിട്ടില്ല.

മദ്ധ്യവേനലവധി പരിഗണിച്ച് തൊഴിലാളികൾക്ക് ഏപ്രിൽ, മേയ് മാസങ്ങളിൽ രണ്ടായിരം രൂപ നൽകിയെങ്കിലും ജൂൺ, ജൂലായ് മാസങ്ങളിലെ ആനുകൂല്യം ഇതുവരെയും നൽകിയിട്ടില്ല. കുടിശ്ശികയായി സംസ്ഥാനത്തെ 20,​000 ഓളം വരുന്ന തൊഴിലാളികളിൽ ഓരോരുത്തർക്കും 35,​000 രൂപയോളം ലഭിക്കാനുണ്ട്. തൊഴിലാളികളോടുള്ള അവഗണനയിൽ പ്രതിഷേധിച്ച് തിരുവോണ നാളിൽ എല്ലാം തൊഴിലാളികളും തങ്ങളുടെ വീടുകളിൽ ഉപവാസ സമരം നടത്തുമെന്ന് ഭാരവാഹികൾ അറിയിച്ചു. ജില്ലാ ആസ്ഥാനങ്ങളിൽ പ്രമുഖ സാമൂഹിക പ്രവർത്തകർ ഐക്യദാർഢ്യം പ്രഖ്യാപിച്ച് സമരത്തിൽ പങ്കാളികളാകും. തൃശൂരിൽ കക്കായ് മനുഷ്യാവകാശ സംഘടന ചീഫ് കോർഡിനേറ്റർ ശ്രീധരൻ തേറമ്പിൽ കോർപറേഷൻ ഓഫീസിന് മുന്നിൽ പ്രതീകാത്മകമായി ഒറ്റക്കാലിൽ തപസ് അനുഷ്ഠിക്കും. പത്രസമ്മേളനത്തിൽ ശ്രീധരൻ തേറമ്പിൽ, ജി. ഷാനവാസ്, റോസി റപ്പായി, പി.എസ് തങ്ക, ഐ.എ റപ്പായി എന്നിവർ പങ്കെടുത്തു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, THRISSUR, PACHAKAM
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.