തിരുവനന്തപുരം: സംസ്ഥാനത്ത് ലോക്ക്ഡൗൺ കാലയളവിൽ അത്യാവശ്യ യാത്രകൾക്കുള്ള പൊലിസ് പാസ്സിന് അപേക്ഷിക്കാനുള്ള ഓണ്ലൈന് സംവിധാനം ശനിയാഴ്ച്ച വൈകിട്ടോടെ നിലവില് വരും. അതിനുശേഷം പാസാവശ്യമുളളവര്ക്ക് നേരിട്ടോ അവരുടെ തൊഴില്ദാതാക്കള് മുഖേനയോ പാസിന് അപേക്ഷിക്കാം. അടിയന്തരമായി പാസ്സ് ആവശ്യമുള്ളവര്ക്ക് സ്റ്റേഷന് ഹൗസ് ഓഫിസര്മാരെ നേരിട്ട് സമീപിച്ച് പാസ്സിന് അപേക്ഷ നല്കാവുന്നതാണ്. ഇരുവശത്തേയ്ക്കും യാത്ര ചെയ്യുന്നതിനുള്ള പാസ് യാത്ര തുടങ്ങുന്ന സ്ഥലത്തുള്ള സ്റ്റേഷന് ഹൗസ് ഓഫിസര് തന്നെ നല്കും.
അവശ്യസര്വീസ് വിഭാഗത്തില്പ്പെട്ടവര്ക്ക് ലോക്ക്ഡൗണ് സമയത്ത് യാത്ര ചെയ്യുന്നതിന് അവരുടെ സ്ഥാപനം നല്കുന്ന തിരിച്ചറിയല് കാര്ഡ് ഉപയോഗിക്കാം. ഇവര്ക്ക് പ്രത്യേകം പൊലിസ് പാസിന്റെ ആവശ്യമില്ല. വീട്ടുജോലിക്കാര്ക്കും കൂലിപ്പണിക്കാര്ക്കും തൊഴിലാളികള്ക്കും ശനിയാഴ്ച സ്വയം തയ്യാറാക്കിയ സാക്ഷ്യപത്രം കൈയ്യില് കരുതി യാത്ര ചെയ്യാം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |