SignIn
Kerala Kaumudi Online
Wednesday, 16 June 2021 4.24 PM IST

വ്യവസായ വളർച്ച കുതിച്ചു; വിലക്കയറ്റം ശമിച്ചു

iip

ന്യൂഡൽഹി: കേന്ദ്രസർക്കാരിനും സാമ്പത്തികലോകത്തിനും ആശ്വാസം പകർന്ന് മാർച്ചിൽ വ്യാവസായിക ഉത്‌പാദന സൂചിക (ഐ.ഐ.പി) 22.4 ശതമാനം വളർന്നു. ഫെബ്രുവരിയിൽ നെഗറ്റീവ് 3.6 ശതമാനവും 2020 മാർച്ചിൽ നെഗറ്റീവ് 18.7 ശതമാനവുമായിരുന്നു വളർച്ച. കഴിഞ്ഞ സാമ്പത്തിക വർഷത്തെ (2020-21 ഏപ്രിൽ-മാർച്ച്) മൊത്തം വളർച്ച നെഗറ്റീവ് 8.6 ശതമാനമാണ്. 2019-20ൽ ഇത് നെഗറ്റീവ് 0.8 ശതമാനമായിരുന്നു.

മാനുഫാക്‌ചറിംഗ് (25.8 ശതമാനം), (ഖനനം 6.1 ശതമാനം), ഊർജം (22.5 ശതമാനം) എന്നിവയുടെ പ്രകടനമാണ് ഇക്കുറി മാ‌ർച്ചിൽ കരുത്തായത്. ഐ.ഐ.പിയിൽ 40 ശതമാനം പങ്കുവഹിക്കുന്ന മുഖ്യ വ്യവസായ മേഖല മാർച്ചിൽ ഏഴ് ശതമാനം വളർന്നതും നേട്ടമായി.

നാണയപ്പെരുപ്പം താഴേക്ക്

റിസർവ് ബാങ്ക് മുഖ്യ പലിശനിരക്കുകൾ പരിഷ്‌കരിക്കാൻ പ്രധാന മാനദണ്ഡമാക്കുന്ന ഉപഭോക്തൃവില (റീട്ടെയിൽ) സൂചിക അടിസ്ഥാനമാക്കിയുള്ള നാണയപ്പെരുപ്പം കഴിഞ്ഞമാസം 4.29 ശതമാനത്തിലേക്ക് താഴ്‌ന്നത് പൊതുജനത്തിനും ആശ്വാസമാണ്. മാ‌ർച്ചിൽ ഇത് നാലുമാസത്തെ ഉയരമായ 5.52 ശതമാനം ആയിരുന്നു.

നാണയപ്പെരുപ്പം നാലു ശതമാനത്തിന് താഴെ എത്തിയാൽ പലിശഭാരം കുറയ്ക്കാൻ റിസർവ് ബാങ്ക് തയ്യാറാകും. ഭക്ഷ്യവില പെരുപ്പം 4.87 ശതമാനത്തിൽ നിന്ന് 2.02 ശതമാനത്തിലേക്ക് കഴിഞ്ഞമാസം താഴ്‌ന്നതും നേട്ടമാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, IIP, RETAIL INFLATION
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.