ന്യൂഡൽഹി: രാജ്യത്തെ കൊവിഡ് വ്യാപനം നിയന്ത്രിക്കുന്നതിന് നിർദേശങ്ങളുമായി പ്രധാനമന്ത്രി നരേന്ദ്ര മോദി. ടെസ്റ്റ് പോസിറ്റിവിറ്റി നിരക്ക് കൂടിയ സ്ഥലങ്ങളിൽ പരിശോധന കൂട്ടണമെന്നും രോഗ വ്യാപനം തീവ്രമായ സ്ഥലങ്ങളിൽ നിയന്ത്രണങ്ങൾ കടുപ്പിക്കണമെന്നും മോദി നിര്ദേശിച്ചു. രാജ്യത്തെ കൊവിഡ് സാഹചര്യം വിലയിരുത്താൻ ഇന്നു ചേർന്ന ഉന്നതതല യോഗത്തിലാണ് പ്രധാനമന്ത്രി നിർദേശങ്ങൾ മുന്നോട്ടുവച്ചത്.
കേന്ദ്ര സര്ക്കാര് സംസ്ഥാനങ്ങള്ക്ക് നല്കിയ വെന്റിലേറ്ററുകള് സംബന്ധിച്ച് ഉടന് കണക്കെടുപ്പ് നടത്തണം. ഗ്രാമീണ മേഖലയില് കൊവിഡ് പരിശോധനയും ഓക്സിജന് വിതരണവും കാര്യക്ഷമമാക്കണമെന്നും പ്രധാനമന്ത്രി യോഗത്തില് പറഞ്ഞു.
പ്രാദേശികമായി കണ്ടെയ്ന്മെന്റ് സോണുകളാക്കുക എന്ന രീതിയാണ് ഇപ്പോഴത്തെ സാഹചര്യത്തില് ആവശ്യം. ഗ്രാമപ്രദേശങ്ങളില് വീടുകളിലെത്തി പരിശോധന നടത്തുന്ന രീതി വ്യാപിപ്പിക്കണം. ഗ്രാമീണ മേഖലകളില് ഓക്സിജന് വിതരണം ശരിയായി നടക്കുന്നുണ്ടോ എന്ന കാര്യം ഉറപ്പുവരുത്തണമെന്നും കൊവിഡ് രോഗബാധയും മരണവും സംബന്ധിച്ച കണക്കുകള് കൂടുതല് സുതാര്യമാകണമെന്നും പ്രധാനമന്ത്രി യോഗത്തില് വ്യക്തമാക്കി.
ചില സംസ്ഥാനങ്ങളില് വെന്റിലേറ്ററുകള് ഉപയോഗിക്കാതെ വച്ചിരിക്കുന്നതായുള്ള റിപ്പോര്ട്ടുകളെ പ്രധാനമന്ത്രി ഗൗരവത്തോടെയാണ് കാണുന്നത്. ഈ സാഹചര്യത്തിലാണ് കേന്ദ്ര സര്ക്കാര് നല്കിയ വെന്റിലേറ്ററുകള് സ്ഥാപിച്ചത് സംബന്ധിച്ചും അവയുടെ പ്രവര്ത്തനം സംബന്ധിച്ചും കണക്കെടുപ്പ് നടത്താന് അദ്ദേഹം നിര്ദേശിച്ചതെന്നും കേന്ദ്രസർക്കാർ വൃത്തങ്ങൾ പറയുന്നു. വെന്റിലേറ്ററുകള് ശരിയായി പ്രവര്ത്തിപ്പിക്കാന് ആരോഗ്യ പ്രവര്ത്തകര്ക്ക് പരിശീലനം നല്കണമെന്ന് പ്രധാനമന്ത്രി നിർദേശിച്ചതായും വിവരമുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |