SignIn
Kerala Kaumudi Online
Wednesday, 04 August 2021 1.49 AM IST

ജനിച്ചത് മലപ്പുറത്തെ എടപ്പാളിലാണ്, എടപ്പാൾ ഓട്ടം മറക്കരുത്; നടന് നേരെ നടക്കുന്ന സംഘപരിവാർ സൈബർ ആക്രമണത്തെ വിമർശിച്ച് മുൻ മന്ത്രി

prithviraj

നടൻ പൃഥ്വിരാജിനെതിരെ നടക്കുന്ന സംഘപരിവാർ സൈബർ ആക്രമണത്തെ വിമർശിച്ച് മുൻ മന്ത്രിയും മുസ്ലിം ലീഗ് നേതാവുമായ പികെ അബ്‌ദു റബ്ബ്. ജനനം മലപ്പുറം ജില്ലയിലെ എടപ്പാളിൽ ആണെന്നും പഴയ എടപ്പാൾ ഓട്ടം 'ജനം' മറക്കരുതെന്നുമായിരുന്നു അബ്ദു റബ്ബ് തന്റെ സോഷ്യൽ മീഡിയാ പോസ്റ്റിലൂടെ പറഞ്ഞത്. പൃഥ്വിരാജിന്റെ അച്ഛനും നടനുമായ സുകുമാരൻ എടപ്പാളിലാണ് ജനിച്ചത്. ഇതേക്കുറിച്ചാണ് അബ്ദു റബ്ബ് തന്റെ പോസ്റ്റിലൂടെ പറയുന്നതെന്നാണ് അനുമാനം.

ശബരിമല യുവതി പ്രവേശനവുമായി ബന്ധപ്പെട്ട് മലപ്പുറം എടപ്പാൾ ജംഗ്ഷനില്‍ ബൈക്കുകളിൽ റാലി നടത്തിയ ബിജെപി, സംഘപരിവാര്‍ പ്രവര്‍ത്തകരെ നാട്ടുകാര്‍ വിരട്ടിയോടിക്കുകയും ബൈക്കുകള്‍ ഉപേക്ഷിച്ച് സംഘപരിവാര്‍ പ്രവർത്തകർ ഓടുന്ന ദൃശ്യങ്ങൾ 'എടപ്പാൾ ഓട്ടം' എന്ന പരിഹാസപ്പേരിൽ സോഷ്യൽ മീഡിയയിൽ വൈറൽ ആകുകയും ചെയ്തിരുന്നു.

pk-abdu-rabb

ഈ സംഭവത്തെ കുറിച്ചാണ് അബ്‌ദു റബ്ബ് തന്റെസോഷ്യൽ മീഡിയാ പോസ്റ്റിൽ പരാമർശിക്കുന്നത്. ലക്ഷദ്വീപ് അഡ്മിനിസ്ട്രേറ്റർ പ്രഭുൽ ഖോഡ പട്ടേലിന്റെ നയങ്ങളെ പരോക്ഷമായി വിമർശിച്ചുകൊണ്ടും ദ്വീപ് ജനതയുടെ അവകാശങ്ങളെയും ജീവിതരീതികളെയും പിന്തുണച്ചുകൊണ്ട് തന്റെ ഫേസ്ബുക്ക് പോസ്റ്റ് വഴി പൃഥ്വിരാജ് രംഗത്തെത്തിയിരുന്നു.

social-media-post

ഇതിനു പിന്നാലെയാണ് സംഘപരിവാർ അനുകൂല സോഷ്യൽ മീഡിയാ പ്രൊഫൈലുകൾ നടനെതിരെ സൈബർ ആക്രമണം നടത്തിയത്. തുടർന്ന് 'ജനം' ചാനലിന്റെ ഓൺലൈൻ സൈറ്റിൽ തരംതാണ വാക്കുകൾകൊണ്ട് പൃഥ്വിരാജിനെ അവഹേളിക്കുന്ന തരത്തിലുള്ള ഒരു ലേഖനവും പ്രത്യക്ഷപ്പെട്ടു. ലേഖനത്തിനെതിരെ രൂക്ഷവിമർശനം ഉണ്ടാകുകയും തുടർന്ന് ചാനൽ ഈ ലേഖനം പിൻവലിക്കുകയും ചെയ്തിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: PRITHVIRAJ, PRITHVIRAJ SUKUMARAN, KERALA, CINEMA, MUSLIM LEAGUE, CYBER ATTACK, SANGHPARIVAR, PK ABDHU RABB
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.