തിരുവനന്തപുരം: ഓൺലൈൻ പഠനത്തിൽ മികവിന്റെ തിളക്കം നിറഞ്ഞപ്പോൾ, 100 ശതമാനം വിജയം

കൈവരിച്ച സർക്കാർ സ്കൂളുകളുടെ എണ്ണത്തിലും റെക്കാഡ്. 1173 സർക്കാർ സ്കൂളുകളിൽ 793 സ്കൂളുകളിലെ മുഴുവൻ കുട്ടികളും വിജയിച്ചു. കഴിഞ്ഞ വർഷം ഇത് 637 ഉം, 2019 ൽ 599 ഉം ആയിരുന്നു

2214 സ്കൂളുകളിലെ എല്ലാ കുട്ടികളും ഇത്തവണ ഉപരിപഠനത്തിന് അർഹരായി. കഴിഞ്ഞ വർഷം ഇത് 1837 ആയിരുന്നു. 2019 ൽ 1703ഉം. എയ്ഡഡ് സ്കൂളുകളാണ് ഇത്തവണയും മുന്നിൽ. 1423 എയ്ഡഡ് സ്കൂളുകളിൽ 989 സ്കൂളുകളിലെ എല്ലാ കുട്ടികളും വിജയിച്ചു. കഴിഞ്ഞവർഷം ഇത് 796 . 2019 ൽ 713. 450 അൺഎയ്ഡഡ് സ്കൂളുകളിൽ 432 സ്കൂളുകളിലെ എല്ലാവരും വിജയിച്ചു. കഴിഞ്ഞതവണ 404 ആയിരുന്നു. 2019 ൽ 391.

സർക്കാർ സ്കൂളുകളിൽ പാലക്കാട് ജി.എം.എം.ജി. എച്ച്.എസ്.എസിലാണ് കൂടുതൽ കുട്ടികൾ എഴുതിയത്-904 പേർ. എയ്ഡഡിൽ ഇളവയൂർ സി.എച്ച്.എം.എച്ച്.എസ്.എസ് -974. അൺഎയ്ഡഡിൽ തിരുവനന്തപുരം ഹോളി ഏഞ്ചൽസ്- 233.