കൊച്ചി: കൊവിഡിനിടയിലും കഴിഞ്ഞ സാമ്പത്തിക വർഷം 6.90 കോടി ഡോളറിന്റെ (514 കോടി രൂപ) കാപ്പി കയറ്റുമതി ചെയ്‌ത് കേരളം. ഇന്ത്യയിൽ നിന്നുള്ള മൊത്തം കയറ്റുമതിയുടെ 10 ശതമാനമാണിത്. കർണാടക, ആന്ധ്രാപ്രദേശ് എന്നിവയ്ക്ക് പിന്നിലായി മൂന്നാംസ്ഥാനവും കയറ്റുമതിയിൽ കേരളം നേടി. കഴിഞ്ഞവർഷം മൺസൂൺ മലബാർ കാപ്പിയുടെ പ്രിയം വർദ്ധിച്ചെന്ന് ആഗോള ട്രേഡ് ഫിനാൻസ് കമ്പനിയായ ഡ്രിപ്പ് കാപ്പിറ്റലിന്റെ പഠനം വ്യക്തമാക്കി. കഴിഞ്ഞ അഞ്ചുവർഷത്തിനിടെ കേരളത്തിൽ നിന്നുള്ള കാപ്പി കയറ്റുമതി 10 ശതമാനം വർദ്ധിച്ചു.