കാലടി: കേന്ദ്ര സർക്കാരിന്റെ സൂക്ഷ്മ, ഇടത്തരം,ചെറുകിട സംരംഭക മന്ത്രാലയത്തിൽ നിന്നും ബിസിനസ് ഇൻക്യൂബേറ്റർ തുടങ്ങാനുള്ള അനുമതി കാലടി ആദിശങ്കര ഇൻസ്റ്റിറ്റ്യൂട്ട് ഒഫ് എൻജിനീയറിംഗ് ആൻഡ് ടെക്നോളജിക്ക് ലഭിച്ചു. നിരവധി പുതിയ സംരംഭകർക്ക് ഇതിന്റെ പ്രയോജനം ലഭ്യമാകും. ഇൻക്യുബേറ്റർ സംരംഭങ്ങളുമായി ബന്ധപ്പെട്ട വിവിധ ഗവേഷണ-വികസന പ്രവർത്തനങ്ങൾ തുടങ്ങാനും നിലവിലുള്ളവ വിപുലമാക്കാനും യന്ത്രസാമഗ്രികൾ വാങ്ങാനുമായി ഒരു കോടി രൂപ വരെ സാമ്പത്തിക സഹായം ലഭിക്കും. നൂതന ബിസിനസ് ആശയങ്ങൾ വികസിപ്പിച്ചു സ്റ്റാർട്ട്-അപ്പ് കമ്പനികൾ തുടങ്ങാനുള്ള പ്രാരംഭ മൂലധനമായി ഒരു കോടി രൂപ വരെയുള്ള ഗ്രാന്റും ഇതുവഴി ലഭ്യമാകും. കൂടാതെ കുട്ടികളുടെ നൂതന ആശയങ്ങൾ പ്രാവർത്തികമാക്കാൻ 15 ലക്ഷം രൂപ വരെ സാമ്പത്തിക സഹായം ലഭിക്കുമെന്നും ആദിശങ്കര ചീഫ് ഓപ്പറേറ്റിംഗ് ഓഫീസർ പ്രൊഫ: സി.പി ജയശങ്കർ, ജനറൽ മാനേജർ എൻ.ശ്രീനാഥ്, പ്രിൻസിപ്പൽ ഡോ.വി.സുരേഷ് കുമാർ എന്നിവർ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |