കൊച്ചി: രാജഗിരി സ്കൂൾ ഒഫ് എൻജിനീയറിംഗ് ആൻഡ് ടെക്നോളജിയും ടാറ്റാ കൺസൾട്ടൻസി സർവീസസും സംയുക്തമായി രൂപകല്പന ചെയ്ത ബി.ടെക് കമ്പ്യൂട്ടർ സയൻസ് ആൻഡ് സിസ്റ്റംസ് കോഴ്സ് വ്യവസായ മന്ത്രി പി. രാജീവ് ഉദ്ഘാടനം ചെയ്തു.വ്യവസായമേഖലയും അക്കാഡമിക് സമൂഹവും തമ്മിലുള്ള സഹകരണം അനിവാര്യമാണെന്ന് മന്ത്രി പറഞ്ഞു. സാങ്കേതിക പരിജ്ഞാനത്തിനൊപ്പം സംരംഭത്വ പരിശീലനവും നൽകുന്ന കോഴ്സുകൾ പഠിപ്പിക്കാൻ അതതു മേഖലയിലെ വിദഗ്‌ദ്ധരെയും പ്രയോജനപ്പെടുത്തണമെന്ന് അദ്ദേഹം പറഞ്ഞു. രാജഗിരി സ്കൂൾ ഡയറക്ടർ ഫാ. ജോസ് കുരിയേടത്ത് അദ്ധ്യക്ഷത വഹിച്ചു. പി.ടി. തോമസ് എം.എൽ.എ., ടി.സി.എസ് വൈസ് പ്രസിഡന്റ് ദിനേശ് പി. തമ്പി, പ്രിൻസപ്പൽ ഡോ.പി.എസ്. ശ്രീജിത്, ഡോ.ഇ.എ. നീബ എന്നിവ പ്രസംഗിച്ചു.