തൃശൂർ: ഒല്ലൂർ നിയോജക മണ്ഡലത്തിലെ അർഹതപ്പെട്ട ആയിരകണക്കിനു മലയോര കർഷകരെ ഒഴിവാക്കി നടത്തുന്ന പട്ടയമേള പ്രഹസനമാണെന്ന് ആരോപിച്ച് കോൺഗ്രസ് ഒല്ലൂർ നിയോജകമണ്ഡലം കമ്മിറ്റി പ്രതിഷേധ മാർച്ചും ധർണയും നടത്തി. ആയിരക്കണക്കിന് അപേക്ഷകർ ഉണ്ടായിട്ടും 248 വനഭൂമി പട്ടയങ്ങൾ മാത്രമാണ് മേളയിൽ നൽകുന്നതെന്നും അർഹതപ്പെട്ട എല്ലാവർക്കും പട്ടയം നൽകണമെന്നും ആവശ്യപ്പെട്ട് പട്ടയ മേള നടക്കുന്ന ടൗൺഹാളിലേക്ക് നടത്തിയ മാർച്ചും ധർണയും ഡി.സി.സി പ്രസിഡന്റ് ജോസ് വള്ളൂർ ഉദ്ഘാടനം ചെയ്തു.
ബ്ലോക്ക് കോൺഗ്രസ് കമ്മിറ്റി പ്രസിഡന്റ് ജെയ്ജു സെബാസ്റ്റ്യൻ അദ്ധ്യക്ഷത വഹിച്ചു. കെ.സി. അഭിലാഷ്, ടി.എം. രാജീവ്, സിജോ കടവിൽ, ലീലാമ്മ ടീച്ചർ, ജോണി ചിറയത്ത്, വി.വി. മുരളീധരൻ, ഡേവിസ് ചക്കാലക്കൽ തുടങ്ങിയവർ പങ്കെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |