തിരുവനന്തപുരം: ശബരിമല വിമാനത്താവളത്തിനായി സർക്കാർ കണ്ടെത്തിയ ചെറുവള്ളി എസ്റ്റേറ്റിൽ കാലുകുത്താതെയാണ് അമേരിക്കൻ കൺസൾട്ടന്റായ ലൂയ് ബഗ്ർ സാദ്ധ്യതാപഠന റിപ്പോർട്ടുണ്ടാക്കിയത്. മുൻപ് സർവേയ്ക്ക് ശ്രമിച്ചെങ്കിലും ഉടമകൾ സമ്മതിക്കാത്തതിനാൽ നടന്നില്ല. സർക്കാരിന്റെ പക്കലുണ്ടായിരുന്ന ഡിജിറ്റൽ ഭൂരേഖകളും ഇന്റർനെറ്റിൽ പരതിക്കിട്ടിയ ഡിജിറ്രൽ ഭൂപടവും ഉപയോഗിച്ചാണ് പഠനറിപ്പോർട്ടുണ്ടാക്കിയത്. ഈ റിപ്പോർട്ടാണ് വിശ്വാസ്യതയില്ലാത്തതെന്നു പറഞ്ഞ് സിവിൽ ഏവിയേഷൻ ഡയറക്ടർ ജനറൽ മടക്കിയത്.

സാദ്ധ്യതാപഠനം,ശാസ്ത്രീയ പരിശോധനകൾ, പരിസ്ഥിതി ആഘാത പഠനം, കേന്ദ്രാനുമതി നേടിയെടുക്കൽ എന്നിവയ്ക്കായാണ് 2017ൽ ലൂയ് ബഗ്ർ കൺസൾട്ടൻസിക്ക് 4.6 കോടിക്ക് കരാർ നൽകിയത്. നാലുമാസത്തിനകം റിപ്പോർട്ട് നൽകണമെന്നായിരുന്നു ധാരണയെങ്കിലും 38 പേജുള്ള പ്രാഥമിക റിപ്പോർട്ട് സർക്കാരിന് ലഭിച്ചത് 2018 നവംബറിൽ. ആദ്യ റിപ്പോർട്ട് നൽകുമ്പോൾ പകുതി തുക കൊടുക്കണമെന്നായിരുന്നു കരാർ. ഇതനുസരിച്ച് രണ്ടുകോടി രൂപ നൽകിയെന്ന് കെ.എസ്.ഐ.ഡി.സി അറിയിച്ചു. ഇത് ഗതാഗതവകുപ്പ് തിരിച്ചുനൽകും.

വിമാനത്താവള അനുമതിക്കായി സമർപ്പിക്കുന്ന റിപ്പോർട്ടിൽ റൺവേയുടെ രൂപകൽപ്പന, കാറ്റിന്റെ ദിശ, മലകളുടെ സാന്നിദ്ധ്യം, മണ്ണിന്റെയും പാറയുടെയും ഘടനയും സാന്നിദ്ധ്യവും തുടങ്ങിയവ ശാസ്ത്രീയമായി പഠിച്ച് വിവരങ്ങൾ ഉൾപ്പെടുത്തണമായിരുന്നു. ലൂയി ബഗ്ർ നൽകിയ റിപ്പോർട്ടിൽ ഇതൊന്നുമുണ്ടായിരുന്നില്ല. ഡിജിറ്റൽ ഭൂരേഖ നോക്കിയാണ് റൺവേയുടെ സ്ഥാനം നിശ്ചയിച്ചത്. മംഗളൂരു, കരിപ്പൂർ പോലെ ടേബിൾടോപ്പ് റൺവേ ഇവിടെയും നിർമ്മിക്കേണ്ടിവരുമെന്നും ലാൻഡിംഗ് ദുഷ്കരമാവുമെന്നുമാണ് റിപ്പോർട്ട് പരിശോധിച്ച് ഡി.ജി.സി.എ വിലയിരുത്തിയത്.

അപകടസാദ്ധ്യത കാരണം ടേബിൾടോപ്പ് റൺവേയ്ക്ക് ഇപ്പോൾ അനുമതി നൽകാറില്ല. റൺവേയ്ക്കാവട്ടെ ചട്ടപ്രകാരമുള്ള നീളവുമില്ല. 2700 മീറ്റർ നീളമുള്ള റൺവേയ്ക്കായി നൂറേക്കർ ഭൂമി അധികമായി ഏറ്റെടുത്താൽ മതിയെന്നും വിമാനത്താവളത്തിന് കണ്ടെത്തിയത് കുന്നിൻ മുകളല്ലെന്നും അമേരിക്കൻ കമ്പനി ഇപ്പോൾ പറയുന്നുണ്ട്. എന്നാൽ 570 കോടി ചെലവിൽ ഏറ്റെടുക്കുന്ന 2263 ഏക്കർ ഭൂമിയിലെ മലകളും ഗർത്തങ്ങളും നികത്താൻ 723 കോടി ചെലവിടണമെന്നാണ് റിപ്പോർട്ടിലുള്ളത്.

പരിശോധനയ്ക്ക് തടസമായത്

 ചെറുവള്ളി എസ്റ്റേറ്റിന്റെ ഉടമസ്ഥാവകാശത്തർക്കം ഇപ്പോഴും കോടതിയിലാണ്. എസ്റ്റേറ്റ് സർക്കാർ ഏറ്റെടുത്ത ഉത്തരവ് ഹൈക്കോടതി റദ്ദാക്കിയെങ്കിലും മുനിസിഫ് കോടതിയിൽ കേസുണ്ട്

 അമേരിക്കൻ കൺസൾട്ടന്റ് എസ്റ്റേറ്രിൽ ഫിസിക്കൽ സർവേയ്ക്ക് ശ്രമിച്ചെങ്കിലും നടന്നില്ല. മണ്ണ്, പാറ എന്നിവയുടെ ഉറപ്പ് പരിശോധനയും നടത്തിയിട്ടില്ല.സർവേയ്ക്ക് പൊലീസ് സംരക്ഷണം തേടാനാണ് നീക്കം

 ഇപ്പോൾ നടത്തിയത് പ്രീ- ഫീസിബിലിറ്റി സ്റ്റഡി മാത്രമാണെന്നും എസ്റ്റേറ്റിൽ ഫിസിക്കൽ പരിശോധന നടത്തിയശേഷമേ അന്തിമ സാദ്ധ്യതാറിപ്പോർട്ട് നൽകാനാവൂ എന്നുമാണ് ലൂയ് ബഗ്ർ പറയുന്നത്

 എസ്റ്റേറ്റിലെ പരിശോധനയ്ക്ക് നിയമക്കുരുക്കുകൾ അഴിച്ച് ഉടമസ്ഥരുടെ സമ്മതം നേടിയെടുക്കണം. ശേഷിക്കുന്ന പഠനവും അമേരിക്കൻ കമ്പനി തന്ന നടത്തുമെന്നാണ് കെ.എസ്.ഐ.ഡി.സി പറയുന്നത്.

 സ​ർ​ക്കാ​ർ​ ​ക​ള്ള​ക്ക​ളി തു​ട​രു​ന്നു: ചെ​ന്നി​ത്തല

തി​രു​വ​ന​ന്ത​പു​രം​:​ ​ശ​ബ​രി​മ​ല​ ​വി​മാ​ന​ത്താ​വ​ള​ത്തി​ന്റെ​ ​കാ​ര്യ​ത്തി​ൽ​ ​സം​സ്ഥാ​ന​ ​സ​ർ​ക്കാ​രി​ന്റെ​ ​ക​ടു​ത്ത​ ​അ​ലം​ഭാ​വ​വും​ ​ക​ള്ള​ക്ക​ളി​യും​ ​ഒ​രു​ ​വ​ർ​ഷം​ ​മു​മ്പ് ​താ​ൻ​ ​ചൂ​ണ്ടി​ക്കാ​ട്ടി​യ​താ​ണെ​ന്ന് ​കോ​ൺ​ഗ്ര​സ് ​നേ​താ​വ് ​ര​മേ​ശ് ​ചെ​ന്നി​ത്ത​ല​ ​പ​റ​ഞ്ഞു.
താ​ൻ​ ​പ​റ​ഞ്ഞ​ത് ​ഗൗ​ര​വ​മാ​യെ​ടു​ത്ത് ​തി​രു​ത്ത​ൽ​ ​ന​ട​പ​ടി​യെ​ടു​ത്തി​രു​ന്നെ​ങ്കി​ൽ​ ​കേ​ന്ദ്ര​ ​വ്യോ​മ​യാ​ന​ ​ഡ​യ​റ​ക്ട​റേ​റ്റ് ​ജ​ന​റ​ൽ​ ​സം​സ്ഥാ​നം​ ​സ​മ​ർ​പ്പി​ച്ച​ ​പ്രോ​ജ​ക്ട് ​റി​പ്പോ​ർ​ട്ട് ​ത​ള്ളി​ക്ക​ള​യി​ല്ലാ​യി​രു​ന്നു.​ ​ശ​ബ​രി​മ​ല​ ​വി​മാ​ന​ത്താ​വ​ള​ത്തി​ന്റെ​ ​ക​ൺ​സ​ൾ​ട്ട​ന്റാ​യ​ ​ലൂ​യി​ ​ബ​ർ​ഗ​ർ​ ​ത​യ്യാ​റാ​ക്കി​യ​ ​പ്രോ​ജ​ക്ട് ​റി​പ്പോ​ർ​ട്ട് ​സ​മ​ഗ്ര​മ​ല്ലെ​ന്ന് ​ക​ഴി​ഞ്ഞ​ ​വ​ർ​ഷം​ ​ജൂ​ലാ​യ് 29​നാ​ണ് ​താ​ൻ​ ​മു​ഖ്യ​മ​ന്ത്രി​യു​ടെ​ ​ശ്ര​ദ്ധ​യി​ൽ​പ്പെ​ടു​ത്തി​യ​ത്.​ ​വി​മാ​ന​ത്താ​വ​ള​ത്തി​നു​ള്ള​ ​നി​ർ​ദ്ദി​ഷ്ട​ ​ഭൂ​മി​യി​ൽ​ ​കാ​ൽ​ ​കു​ത്തു​ക​ ​പോ​ലും​ ​ചെ​യ്യാ​തെ​യാ​ണ് ​ക​ൺ​സ​ൾ​ട്ട​ൻ​സി​ക്കാ​ർ​ ​ത​ട്ടി​ക്കൂ​ട്ട് ​റി​പ്പോ​ർ​ട്ടു​ണ്ടാ​ക്കി​യ​ത്.​ 4.6​ ​കോ​ടി​യാ​യി​രു​ന്നു​ ​ചെ​ല​വ്.
വി​മാ​ന​ത്താ​വ​ള​ത്തി​നു​ള്ള​ ​ഭൂ​മി​യു​ടെ​ ​കാ​ര്യ​ത്തി​ൽ​ ​തീ​രു​മാ​ന​മാ​കു​ന്ന​തി​ന് ​മു​മ്പ് ​എ​ന്തി​ന് ​ക​ൺ​സ​ൾ​ട്ട​ൻ​സി​യെ​ ​വ​ച്ച് ​പ​ണം​ ​ധൂ​ർ​ത്ത​ടി​ച്ചെ​ന്ന് ​താ​ൻ​ ​ചോ​ദി​ച്ച​താ​ണ്.​ ​വി​മാ​ന​ത്താ​വ​ള​ത്തി​ന്റെ​ ​കാ​ര്യ​ത്തി​ല​ല്ല,​ ​ക​ൺ​സ​ൾ​ട്ട​ൻ​സി​ ​ക​മ്മി​ഷ​നി​ലാ​യി​രു​ന്നു​ ​സ​ർ​ക്കാ​രി​ന്റെ​ ​താ​ത്പ​ര്യ​മെ​ന്ന് ​അ​ന്നേ​ ​വ്യ​ക്ത​മാ​യി.​ ​അ​തി​നാ​ലാ​ണ് ​ഒ​പ്പ് ​പോ​ലു​മി​ല്ലാ​ത്ത​ ​പ്രോ​ജ​ക്ട് ​റി​പ്പോ​ർ​ട്ട് ​കേ​ന്ദ്ര​ത്തി​ലേ​ക്ക​യ​ച്ച​ത്.​ ​വീ​ഴ്ച​ക​ൾ​ ​ചൂ​ണ്ടി​ക്കാ​ട്ടി​യ​പ്പോ​ൾ​ ​പ​രി​ഹ​സി​ച്ച് ​ര​ക്ഷ​പ്പെ​ടാ​നാ​ണ് ​മു​ഖ്യ​മ​ന്ത്രി​ ​ശ്ര​മി​ച്ച​തെ​ന്നും​ ​ചെ​ന്നി​ത്ത​ല​ ​പ​റ​ഞ്ഞു.