SignIn
Kerala Kaumudi Online
Saturday, 21 May 2022 10.10 PM IST

കർഷക കൂട്ടക്കുരുതി ആസൂത്രിതം: ടി.എൻ പ്രതാപൻ എം.പി

congress
പ്രിയങ്കഗാന്ധിയെ അറസ്റ്റ് ചെയ്തതിൽ പ്രതിഷേധിച്ച് കോൺഗ്രസിന്റെ ആഭിമുഖ്യത്തിൽ തൃശൂർ ഏജീസ് ഓഫീസിന് മുന്നിൽ സംഘടിപ്പിച്ച ഉപരോധം ടി.എൻ. പ്രതാപൻ എം.പി ഉദ്ഘാടനം ചെയ്യുന്നു

തൃശൂർ : യു.പിയിലെ ലഖിംപൂർഖേരിയിൽ കേന്ദ്രമന്ത്രിയുടെ മകന്റെ നേതൃത്വത്തിൽ നടന്ന കർഷക കൂട്ടക്കുരുതി ആസൂത്രിതമാണെന്ന് ടി.എൻ പ്രതാപൻ എം.പി പറഞ്ഞു. കർഷക സമരം അടിച്ചമർത്താനുള്ള മോദി, യോഗി സർക്കാരുകളുടെ നീക്കം ഫാസിസ്റ്റുകളുടെ നയമാണ്. നേതാക്കളെ അറസ്റ്റ് ചെയ്തും സമരക്കാരെ കൊലപ്പെടുത്തിയും, കർഷക സമരത്തെ അടിച്ചമർത്താൻ നോക്കിയാൽ രണ്ടാം സ്വാതന്ത്ര്യ സമരത്തിന് കോൺഗ്രസ് നേതൃത്വം നൽകുമെന്ന് ടി.എൻ പ്രതാപൻ എം.പി കൂട്ടിച്ചേർത്തു. കർഷക കൂട്ടക്കുരുതിയുടെ ഉത്തരവാദികളായ കേന്ദ്രമന്ത്രിയെയും, മന്ത്രി പുത്രനെയും അറസ്റ്റ് ചെയ്യണമെന്ന് ആവശ്യപ്പെട്ടും, പ്രിയങ്ക ഗാന്ധിയെ അറസ്റ്റ് ചെയ്തതിൽ പ്രതിഷേധിച്ചും രാജ്യവ്യാപകമായി കോൺഗ്രസ് നടത്തുന്ന പ്രക്ഷോഭത്തിന്റെ ഭാഗമായി ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ നടന്ന ഏജീസ് ഓഫീസ് ഉപരോധം ഉദ്ഘാടനം ചെയ്യുകയായിരുന്നു ടി.എൻ പ്രതാപൻ എം.പി. ഡി.സി.സി പ്രസിഡന്റ് ജോസ് വള്ളൂർ അദ്ധ്യക്ഷത വഹിച്ചു. എം.പി വിൻസെന്റ്, ടി. വി. ചന്ദ്രമോഹൻ, എൻ.കെ. സുധീർ, അഡ്വ. ജോസഫ് ടാജറ്റ്, സുനിൽ അന്തിക്കാട്, രാജേന്ദ്രൻ അരങ്ങത്ത്, ജോൺ ഡാനിയേൽ, ഷാജി കോടങ്കണ്ടത്ത്, സി. എസ്. ശ്രീനിവാസൻ, സി. സി. ശ്രീകുമാർ, എ. പ്രസാദ്, സി.ഒ. ജേക്കബ്, ഡോ. നിജി ജസ്റ്റിൻ, ലീലാമ്മ തോമസ്, സുന്ദരൻ കുന്നത്തുള്ളി, കെ. ഗോപാലകൃഷ്ണൻ, ഒ.ജെ. ജനീഷ് തുടങ്ങിയവർ പങ്കെടുത്തു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, THRISSUR
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.