ഒരു ഒമാൻ വിമാനക്കഥ

അ​ഞ്ചാ​റു​മാ​സ​ത്തെ​ ​കൊ​വി​ഡ് ​ലോ​ക്ക് ഡൗ​ണി​ൽ​ ​കു​ടു​ങ്ങി​ ​മ​സ്‌​ക്ക​റ്റി​ലേ​ക്കു​ള്ള​ ​മ​ട​ക്ക​യാ​ത്ര​ ​മു​ട​ങ്ങി​യ​ ​എ​ന്റെ​ ​അ​നി​യ​ൻ​ ​അ​നി​ൽ​കു​മാ​ർ​ ​ക​ഴി​ഞ്ഞ​ ​ശ​നി​യാ​ഴ്ച​ ​വ​ലി​യ​ ​സ​ന്തോ​ഷ​ത്തി​ലാ​യി​രു​ന്നു.​ ​ചെ​റു​താ​യി​ ​പു​ന​രാ​രം​ഭി​ച്ച​ ​അ​ന്താ​രാ​ഷ്ട്ര​ ​വി​മാ​ന​ സ​ർ​വീ​സു​ക​ളി​ൽ​ ​അ​ന്നു​ ​വൈ​കു​ന്നേ​ര​ത്തെ​ ​ഒ​മാ​ൻ​ ​എ​യ​റി​ൽ​ത്ത​ന്നെ​ ​നെ​ടു​മ്പാ​ശേരി​യി​ൽ​നി​ന്ന് ​അ​വ​ന് ​ടി​ക്ക​റ്റ് ​ത​ര​പ്പെ​ട്ട​താ​ണ് ​അ​വ​നെ​ ​ഏ​റ്റ​വു​മേ​റെ​ ​സ​ന്തോ​ഷി​പ്പി​ച്ച​ത്!

എ​യ​ർ​ ​ഇ​ന്ത്യ​യ​ട​ക്കം​ ​മ​റ്റു​ചി​ല​ ​ഫ്ളൈ​റ്റു​ക​ളി​ൽ​ ​നി​ര​ക്ക് ​ഇ​ത്തി​രി​ ​കു​റ​വാ​യി​രു​ന്നി​ട്ടും​ ​വി​സ​യു​ടെ​ ​കാ​ലാ​വ​ധി​ ​അ​വ​സാ​നി​ക്കാ​റാ​യി​ട്ടും,​ ​അ​വ​ൻ​ ​ഒ​മാ​ൻ​ ​എ​യ​റി​ൽ​ ​ഒ​രി​രി​പ്പി​ട​ത്തി​നാ​യി​ ​കാ​ത്തി​രു​ന്ന​ത് ​എ​ന്തി​നാ​വാം​?​ ​ഉ​ത്ത​ര​വും​ ​അ​നി​യ​ൻ​ ​ത​ന്നെ​ ​പ​റ​ഞ്ഞു​:​ ​''വെ​രി​ ​സിം​പി​ൾ.​ ​അ​വ​രു​ടെ​ ​സ​ർ​വീ​സ് ​അ​ത്ര​മാ​ത്രം​ ​ന​ല്ല​താ​ണ്.​ ​ഒ​രു​ ​ഫാ​മി​ലി​ ​ഫീ​ലിം​ഗ്.​ ​സ്‌​നേ​ഹ​മു​ള്ള​ ​പെ​രു​മാ​റ്റം.​""
ഞാ​ന​പ്പോ​ൾ​ ​ഓ​ർ​ത്ത​ത്,​ ​ഇ​രു​പ​ത്താ​റ് ​വ​ർ​ഷം​ ​മു​മ്പ് ​ഒ​മാ​ൻ​ ​എ​യ​റി​നു​വേ​ണ്ടി​ ​ഞാ​നൊ​രു​ക്കി​യ​ ​പ​ര​സ്യ​ചി​ത്ര​ത്തി​ലെ​ ​ടാ​ഗ് ​ലൈ​നാ​യി​രു​ന്നു​ ​'​വീ​വിം​ഗ് ​ത്രെ​ഡ്സ് ​ഒ​ഫ് ​ലൗ​-​ ​ഒ​മാ​ൻ​ ​എ​യ​ർ"
സു​ൽ​ത്താ​നേ​റ്റ് ​ഒ​ഫ് ​ഒ​മാ​ന്റെ​ ​ഒ​ഫീ​ഷ്യ​ൽ​ ​എ​യ​ർ​ലൈ​നാ​യ​ ​ഒ​മാ​ൻ​ ​എ​യ​ർ​ ​അ​വ​രു​ടെ​ ​ഇ​ന്റ​ർ​നാ​ഷ​ണ​ൽ​ ​സ​ർ​വീ​സു​ക​ൾ​ ​ആ​രം​ഭി​ച്ച​ ​സ​മ​യ​മാ​യി​രു​ന്നു​ ​അ​ത്.​ ​ഗ​ൾ​ഫ് ​- ഇ​ന്ത്യ​ൻ​ ​സെ​ക്‌​ട​റി​ൽ​ ​എ​യ​ർ​ ​ഇ​ന്ത്യ​യും​ ​മ​റ്റും​ ​ആ​ധി​പ​ത്യം​ ​പു​ല​ർ​ത്തി​യ​ ​കാ​ലം.​ ​കു​ടും​ബ​യാ​ത്ര​ക്കാ​രെ​ ​ആ​ക​ർ​ഷി​ക്കാ​ൻ​ ​മ​നോ​ഹ​ര​മാ​യ​ ​പ​ര​സ്യ​ത​ന്ത്ര​ങ്ങ​ൾ​ ​ആ​വ​ശ്യ​മാ​യി​രു​ന്നു.​ ​അ​ങ്ങ​നെ​ ​ഞാ​നെ​ഴു​തി​യ​താ​ണ് ​ '​സ്‌​നേ​ഹം​ ​നെ​യ്യു​ന്ന​ ​ഒ​മാ​ൻ​ ​എ​യ​ർ​"​ ​എ​ന്ന​ത്!​ ​അ​തു​ത​ന്നെ​യാ​ണ്,​ ​ക​ഴി​ഞ്ഞ​ 23​ ​വ​ർ​ഷ​മാ​യി​ ​നി​ര​ന്ത​രം​ ​ഒ​മാ​ൻ​ ​യാ​ത്ര​ ​ന​ട​ത്തു​ന്ന​ ​അ​നി​യ​ൻ​ ​മ​റ്റൊ​രു​രൂ​പ​ത്തി​ൽ​ ​ഇ​പ്പോ​ൾ​ ​പ​റ​യു​ന്ന​തെ​ന്ന​ത് ​എ​ന്നെ​ ​അ​തി​ശ​യി​പ്പി​ച്ചു.​ ​എ​ന്റെ​ ​ആ​ ​പ​ഴ​യ​ ​പ​ര​സ്യ​ചി​ത്രം​ ​ആ​ദ്യ​മാ​യി​ ​ ​സം​പ്രേ​ഷ​ണം​ ​ചെ​യ്‌​ത​തി​ന്റെ​ ​ഇ​രു​പ​ത്താ​റാം​ ​വാ​ർ​ഷി​ക​ദി​ന​മാ​ണ് ​ഈ​ ​വ​രു​ന്ന​ ​ഒ​ക്‌​ടോ​ബ​ർ​ 29​ ​ന് ​എ​ന്ന് ​ഞാ​നി​പ്പോ​ൾ​ ​സ്‌​നേ​ഹ​പൂ​ർ​വം​ ​ഓ​ർ​ക്കു​ന്നു.

ര​ണ്ട്
1993​ ​ന​വം​ബ​ർ​ 18​ ​നാ​ണ് ​ഒ​മാ​ൻ​ ​എ​യ​ർ​ ​ആ​ദ്യ​ത്തെ​ ​ഇ​ന്റ​ർ​നാ​ഷ​ണ​ൽ​ ​സ​ർ​വീ​സ് ​ആ​രം​ഭി​ക്കു​ന്ന​ത്.​ ​അ​തും​ ​തി​രു​വ​ന​ന്ത​പു​ര​ത്തേ​ക്ക്!​ ​അ​ന്ന് ​ഇ​ന്ത്യ​ൻ​ ​ക​ൺ​ട്രി​ ​ഹെ​ഡ് ​അ​ബ്ദു​ൾ​ ​റ​ഹിം,​ ​ഏ​രി​യ​ ​മാ​നേ​ജ​ർ​ ​എം.​എ.​ ​അ​ൽ​ത്താ​ഫ് ​എ​ന്നി​വ​ർ​ ​സ​മ്പൂ​ർ​ണ​ ​മ​ല​യാ​ളി​ക​ൾ.​ ​ഇ​വ​രി​ലേ​ക്ക് ​എ​ന്നെ​ ​എ​ത്തി​ച്ച​ത് ​തി​രു​വ​ന​ന്ത​പു​ര​ത്തെ​ ​കേ​ര​ള​ ​ട്രാ​വ​ൽ​സ് ​ എം.ഡി ച​ന്ദ്രു​വേ​ട്ട​ൻ.​ ​'​ഏ​ഷ്യാ​നെ​റ്റി​"​ ​നു​ ​വേ​ണ്ടി​,​ ​ഞാ​ൻ​ ​സാ​ര​ഥി​യാ​യ​ ​പ​നോ​ര​മ​ ​ഒ​രു​ക്കി​യ​ ​'​ഗ​ൾ​ഫി​ലു​ണ​രു​ന്നു​ ​കേ​ര​ളം​"​ ​എ​ന്ന​ ​ടെ​ലി​വി​ഷ​ൻ​ ​പ​ര​മ്പ​ര​യു​ടെ​ ​എ​ക്‌​സി​ക്യൂ​ട്ടീ​വ് ​പ്രൊ​ഡ്യൂ​സ​ർ​ ​യു.​ ​അ​ച്ചു​വി​ന്റെ​ ​ആ​ത്മ​മി​ത്ര​മാ​യി​രു​ന്നു​ ​ച​ന്ദ്രു​ ​എ​ന്ന​ ​ച​ന്ദ്ര​ഹാ​സ​ൻ.​ ​ഗ​ൾ​ഫ് ​മ​ല​യാ​ളി​ക​ളെ​ ​സം​ബ​ന്ധി​ച്ചു​ള്ള​താ​ക​യാ​ൽ​ ​സ്വാ​ഭാ​വി​ക​മാ​യും​ ​പ​ര​മ്പ​ര​യു​മാ​യി​ ​സ​ഹ​ക​രി​ക്കു​വാ​ൻ​ ​ഒ​മാ​ൻ​ ​എ​യ​ർ​ ​ത​യ്യാ​റാ​യി.​ ​പ​ക്ഷേ​ ​അ​വ​ർ​ക്ക് ​ഇം​ഗ്ലീ​ഷി​ൽ​ ​അ​ന്താ​രാ​ഷ്ട്ര​ ​നി​ല​വാ​ര​ത്തി​ലു​ള്ള​ ​ഒ​രു​ ​പ​ര​സ്യ​ ​ചി​ത്രം​ ​കേരളീയ​ ​പ​ശ്ചാ​ത്ത​ല​ത്തി​ൽ​ ​വേ​ണ​മാ​യി​രു​ന്നു.​ ​ആ​ ​സാ​ഹ​സം​ ​ഞാ​നേ​റ്റെ​ടു​ത്തു.

മൂന്ന്
'​കാ​ശ്‌​മീ​രം​"​ ​സി​നി​മ​ ​ഇ​റ​ങ്ങി​യ​ ​കാ​ലം.​ ​പ്രി​യ​ ​സു​ഹൃ​ത്തും​ ​ക​ഥാ​കൃ​ത്തു​മാ​യ​ ​മ​ധു​പാ​ൽ,​ ​രാ​ജീ​വ് ​ അ​ഞ്ച​ലി​ന്റെ​ ​സം​വി​ധാ​ന​സ​ഹാ​യി​യാ​യി​ച്ചെ​ന്ന് ​ന​ട​നാ​യി​ത്തീ​ർ​ന്ന് ​യു​വ​മ​ന​സു​ക​ളി​ലെ​ ​ഹ​ര​മാ​യി​ ​മാ​റി​യ​ ​സി​നി​മാ​ക്കാ​ലം.​ ​ഒ​മാ​ൻ​ ​എ​യ​റി​ന്റെ​ ​പ​ര​സ്യ​ചി​ത്ര​ത്തി​ൽ​ ​കു​ഞ്ഞു​മ​ക​ന്റെ​ ​അ​രി​കി​ലേ​ക്ക്,​ ​അ​വ​ൻ​ ​'​വ​ൺ​ ​ടൂ​ ​ത്രീ" എ​ന്ന് ​പ​ത്തെ​ണ്ണു​മ്പോ​ഴേ​ക്കും​ ​പ​റ​ന്നെ​ത്തു​ന്ന​ ​ക​മ്പ​നി​ ​എ​ക്സി​ക്യൂ​ട്ടീ​വാ​യ​ ​യു​വ​ ​ഗ​ൾ​ഫ് ​പി​താ​വി​ന്റെ​ ​റോ​ളി​ലേ​ക്ക് ​മ​ധു​പാ​ൽ​ ​നി​ശ്ച​യി​ക്ക​പ്പെ​ട്ടു.​ ​തി​രു​വ​ന​ന്ത​പു​ര​ത്ത് ​'​റ​യ്‌​മ​ൻ​ഡ്സ്"​ ​തു​ട​ങ്ങി​യ​ ​കാ​ല​വു​മാ​യി​രു​ന്നു​ ​അ​ത്.​ ​ഞാ​നും​ ​മ​ധു​പാ​ലും​ ​പ്രൊ​ഡ​ക്ഷ​ൻ​ ​ക​ൺ​ട്രോ​ള​ർ​ ​എ​സ്.​എ​ൽ.​ ​പ്ര​ദീ​പും​ ​ചെ​ന്നാ​ണ് ​നാ​യ​ക​ന​ണി​യാ​നു​ള്ള​ ​ഒ​രു​ ​വി​ല​ ​പി​ടി​ച്ച​ ​സ്യൂ​ട്ട് ​തി​ര​ഞ്ഞെ​ടു​ത്ത​ത്.​ ​ആ​യി​ടെ​ ​ഒ​രി​ക്ക​ൽ​ ​സ്‌​ക്രി​പ്റ്റ് ​ച​ർ​ച്ച​യ്‌​ക്ക് ​പ​നോ​ര​മ​ ​സ്റ്റു​ഡി​യോ​യി​ൽ​ ​വ​ന്ന​ ​ഒ​മാ​ൻ​ ​എ​യ​റി​ലെ​ ​അ​ൽ​ത്താ​ഫി​ന്റെ​ ​കൂ​ടെ​ ​മൂ​ന്നു​വ​യ​സു​കാ​ര​ൻ​ ​മ​ക​ൻ​ ​ഫ​ക്രു​വു​മു​ണ്ടാ​യി​രു​ന്നു.​ ​അ​വ​ന്റെ​ ​സ‌്മാ​ർ​ട്ട്ന​സ്,​ ​മ​ധു​പാ​ലി​ന്റെ​ ​മ​ക​ന്റെ​ ​വേ​ഷ​ത്തി​ന് ​അ​നു​യോ​ജ്യ​മാ​യി​രു​ന്നു.​ ​അ​ങ്ങ​നെ​ ​അ​തും​ ​ഒ​രു​ ​തീ​രു​മാ​ന​മാ​യി.​ ​മ​മ്മൂ​ട്ടി​യു​ടെ​ ​'​സു​റു​മ​"​ ​വീ​ഡി​യോ​സി​ലും​ ​പി.​ടി.​ഐ​യി​ലും​ ​ഏ​ഷ്യാ​നെ​റ്റി​ലു​മൊ​ക്കെ​ ​പ്ര​വ​ർ​ത്തി​ച്ചി​രു​ന്ന​ ​ടി.​ജി.​ ​ശ്രീ​കു​മാ​ർ​ ​കാ​മ​റാ​മാ​നാ​യി​ ​വ​ന്നു.
1985​-​ലെ​ ​ആ​ ​ഷൂ​ട്ടിം​ഗ് ​പ്ര​ഭാ​തം​ ​ഓ​ർ​മ​യി​ലു​ണ്ട്.​ ​ശം​ഖു​മു​ഖം​ ​എ​യ​ർ​പോ​ർ​ട്ടി​ൽ​ ​മ​സ്‌​ക്ക​റ്റി​ൽ​ ​നി​ന്നെ​ത്തി​യ​ ​വി​മാ​നം​ ​മ​ട​ക്ക​യാ​ത്ര​ ​തു​ട​ങ്ങു​ന്ന​തി​നി​ട​യി​ലു​ള്ള​ ​അ​ര​മ​ണി​ക്കൂ​റാ​ണ് ​ഫ്ളൈ​റ്റ് ​സീ​നു​ക​ൾ​ ​ചി​ത്രീ​ക​രി​ക്കു​ന്ന​തി​ന് ​അ​നു​വ​ദി​ക്ക​പ്പെ​ട്ട​ ​സ​മ​യം.​ ​എ​യ​ർ​പോ​ർ​ട്ട് ​അ​തോ​റി​റ്റി​ ​ത​ന്ന​ത് ​പ​ത്ത് ​എ​ൻ​ട്രി​ ​പാ​സു​ക​ൾ​ ​മാ​ത്രം.​ ​മ​ധു​പാ​ലി​നെ​ ​മേ​ക്ക​പ്പ് ​ചെ​യ്‌​തൊ​രു​ക്കി​യ​ ​ജ​യ​ച​ന്ദ്ര​ൻ​ ​എ​ന്ന​ ​യു​വാ​വ് ​പെ​ട്ടി​യു​മെ​ടു​ത്ത് ​പി​റ​കേ​ ​വ​ന്ന​പ്പോ​ൾ​ ​സെ​ക്യൂ​രി​റ്റി​ ​ത​ട​ഞ്ഞു.​ ​'​അ​ത്യാ​വ​ശ്യ​ ​പാസു​കാ​രി​"ൽ​ ​മേ​ക്ക​പ്പ്മാ​ൻ​ ​പെ​ട്ടി​രു​ന്നി​ല്ല.​ ​അ​ക്കാ​ല​ത്ത് ​സീ​രി​യ​ലു​ക​ളി​ലും​ ​സി​നി​മ​ക​ളി​ലും​ ​ന​ല്ല​ ​തി​ര​ക്കു​ണ്ടാ​യി​രു​ന്ന​ ​ജ​യ​ച​ന്ദ്ര​ൻ​ ​ക​ര​യും​ ​മ​ട്ടി​ലാ​യി​:​ ​''ഒ​രു​ ​ഫ്ലൈറ്റി​ന​ക​ത്ത് ​ആ​ദ്യ​മാ​യി​ ​ക​യ​റാ​നു​ള്ള​ ​മോ​ഹം​ ​കൊ​ണ്ടാ​ ​ഞാ​നി​ന്ന് ​ഈ​ ​മേ​ക്ക​പ്പി​നെ​ത്തി​യ​ത്.​"​"​ ​ആ​ ​ദീ​ന​സ്വ​രം​ ​കേ​ട്ട് ​അ​ൽ​ത്താ​ഫ് ​വ​ള​രെ​ ​പെ​ട്ടെ​ന്നു​ത​ന്നെ​ ​ജ​യ​ച​ന്ദ്ര​നും​ ​ഒ​രു​ ​താ​ത്ക്കാ​ലി​ക​ ​പാ​സ് ​ത​ര​പ്പെ​ടു​ത്തി​ക്കൊ​ടു​ത്തു...​ ​ഷൂ​ട്ടിം​ഗ് ​സു​ഗ​മ​മാ​യി​ ​ന​ട​ന്നു...!

നാല്
ഇ​രു​പ​ത്താ​റ് ​വ​ർ​ഷ​ങ്ങ​ൾ​ ​ക​ട​ന്നു​പോ​വു​മ്പോ​ൾ,​ ​ആ​ ​ഒ​മാ​ൻ​ ​വി​മാ​ന​ചി​ത്ര​ക​ഥ​യി​ലെ​ ​മു​ഖ്യ​ക​ഥാ​പാ​ത്ര​ങ്ങ​ളൊ​ക്കെ​ ​ഒ​രു​പാ​ട് ​ഉ​യ​ര​ത്തി​ലാ​ണി​ന്ന്.​ ​മ​ധു​പാ​ൽ​ ​ക​ഥാ​കൃ​ത്തും​ ​തി​ര​ക്ക​ഥാ​കൃ​ത്തും​ ​സം​വി​ധാ​യ​ക​നു​മൊ​ക്കെ​യാ​യി​ ​മ​ല​യാ​ളി​ക​ളു​ടെ​ ​പ്രി​യ​ങ്ക​ര​ൻ.​ ​കു​ഞ്ഞു​ ​ഫ​ക്രു​ ​മു​പ്പ​തു​കാ​ര​നാ​യ​ ​സു​ന്ദ​ര​ ​ബി​സി​ന​സു​കാ​ര​ൻ​ ​ഫ​ക്രു​ദ്ദീ​നാ​യി.​ ​റ​ഹി​മും​ ​അ​ൽ​ത്താ​ഫും​ ​ഒ​മാ​ൻ​ ​എ​യ​ർ​ ​വി​ട്ടു.​ ​റ​ഹിം​ ​ദു​ബാ​യി​ലെ​ ​സ​മ്പ​ന്ന​ ​ബി​സി​ന​സു​കാ​ര​ൻ.​ ​തൊ​ടു​പു​ഴ​ ​ന്യൂ​മാ​ൻ​സ് ​കോ​ളേ​ജി​ൽ​ ​പ​ഠി​ക്കു​മ്പോ​ൾ​ത്ത​ന്നെ​ ​എ​ഴു​ത്തും​ ​പ്ര​സം​ഗ​വും​ ​യൂ​ണി​വേ​ഴ്സി​റ്റി​ ​യൂ​ണി​യ​ൻ​ ​കൗ​ൺ​സി​ല​ർ​ ​സ്ഥാ​ന​വു​മൊ​ക്കെ​യു​ള്ള​ ​അ​ൽ​ത്താ​ഫ് ​സ്വ​ന്തം​ ​ബി​സി​ന​സി​നോ​ടൊ​പ്പം​ ​ഫേ​സ്ബു​ക്കി​ൽ​ ​സ​ജീ​വ​മാ​യി​ ​ക​ഥ​ക​ളെ​ഴു​തു​ന്നു.​ ​എ​സ്.​എ​ൽ.​ ​പ്ര​ദീ​പ് ​മ​ല​യാ​ള​ ​സി​നി​മ​യി​ലെ​ ​തി​ര​ക്കു​ള്ള​ ​പ്രൊ​ഡ​ക്ഷ​ൻ​ ​ഡി​സൈ​ന​റും​ ​എ​ക്സി​ക്യൂ​ട്ടീ​വ് ​പ്രൊ​ഡ്യൂ​സ​റു​മൊ​ക്കെ​യാ​ണ്.​ ​ടി.​ജി.​ ​ശ്രീ​കു​മാ​ർ​ ​ദു​ബാ​യ് ​മീ​ഡി​യ​ ​സി​റ്റി​യി​ലെ​ ​കാ​മ​റാ​മാ​നാ​യി​രു​ന്നു.​ ​അ​ടു​ത്ത​ ​കാ​ല​ത്ത് ​തി​രി​ച്ചെ​ത്തി​ ​കൊ​ച്ചി​യി​ൽ​ ​മീ​ഡി​യാ​ ​ക​ൺ​സ​ൾ​ട്ട​ന്റും​ ​അ​ക്കാ​ഡ​മി​ ​ഫാ​ക്ക​ൽ​റ്റി​യു​മാ​യി​ ​പ്ര​വ​ർ​ത്തി​ക്കു​ന്നു.​ ​ജ​യ​ച​ന്ദ്ര​ൻ​ ​ഒ​രു​പാ​ട് ​സൂ​പ്പ​ർ​ ​താ​ര​ങ്ങ​ൾ​ക്ക് ​മേ​ക്ക​പ്പി​ട്ടു.​ ​നി​ര​വ​ധി​ ​വി​മാ​ന​യാ​ത്ര​ക​ൾ​ ​ന​ട​ത്തി.​ ​ഫ്ള​വേ​ഴ്സ് ​ചാ​ന​ലി​ലെ​ ​ചീ​ഫ് ​മേ​ക്ക​പ്പ്മാ​നാ​യി​ ​പ്ര​വ​ർ​ത്തി​ക്ക​വേ,​ ​ആ​റു​മാ​സം​ ​മു​മ്പ് ​ഒ​ര​സു​ഖം​ ​വ​ന്ന് ​ഈ​ ​ലോ​കം​ ​വി​ട്ടു.​ ​എ​ന്ന​ത്തേ​യും​ ​പോ​ലെ​ ​ഈ​ ​പ്രോ​ജ​ക്ടി​ലും​ ​എ​ന്റെ​ ​കൂ​ടെ​ ​നി​ഴ​ലാ​യു​ണ്ടാ​യി​രു​ന്ന​ ​ആ​ത്മ​മി​ത്രം​ ​ശ്രീ​കു​മാ​റും​ ​ക​ഴി​ഞ്ഞ​വ​ർ​ഷം​ ​ജീ​വി​ത​ത്തി​ൽ​ നി​ന്ന് ​സ്വ​യം​ ​പി​രി​ഞ്ഞു​പോ​യി...

ഈ​ ​ഒ​മാ​ൻ​ ​വി​മാ​ന​ക്ക​ഥ​യു​ടെ​ ​ഓ​ർ​മ​ക​ളി​ലേ​ക്ക് ​എ​ന്നെ​ ​ഇ​പ്പോ​ൾ​ ​എ​ത്തി​ച്ച​ ​അ​നി​യ​ൻ​ ​അ​നി​ൽ​കു​മാ​ർ​ 23​ ​വ​ർ​ഷ​മാ​യി​ ​ക​ംപ്യൂട്ട​ർ​ ​പ്രൊ​ഫ​ഷ​ണ​ലാ​യി​ ​മ​സ്‌​ക്ക​റ്റി​ലു​ണ്ട്.​ ​ആ​ദ്യ​വ​ർ​ഷ​ങ്ങ​ൾ​ ​സു​ൽ​ത്താ​ൻ കാബൂസ് യൂ​ണി​വേ​ഴ്സി​റ്റി​യി​ലെ​ ​ എം.എച്ച്.സിയുടെ കം​പ്യൂ​ട്ട​ർ​ ​വി​ദ​ഗ്ദ്ധ​നാ​യി​ ​പ്ര​വ​ർ​ത്തി​ച്ച​ശേ​ഷം​ ​പ്ര​ശ​സ്ത​മാ​യ​ ​ഒ​രു​ ​കം​പ്യൂ​ട്ട​ർ​ ​നെ​റ്റ്‌​വ​ർ​ക്ക് ​സ്ഥാ​പ​നം​ ​ന​ട​ത്തു​ക​യാ​ണി​പ്പോ​ൾ.​ ​'​നാ​ട്ടി​ലേ​ക്ക് ​മ​ട​ങ്ങ​ണം,​ ​എ​ന്തെ​ങ്കി​ലും​ ​ബി​സി​ന​സ് ​ചെ​യ്യ​ണം​"​ ​ഈ​യി​ടെ​ ​അ​വ​ൻ​ ​പ​റ​ഞ്ഞു.​ ​'​നാ​ട്ടി​ൽ​ ​ഇ​പ്പോ​ൾ​ ​ചെ​യ്യാ​ൻ​ ​പ​റ്റു​ന്ന​ ​മി​ക​ച്ച​ ​ബി​സി​ന​സ് ​രാ​ഷ്ട്രീ​യ​മാ​ണ് "​ ​പെ​ട്ടെ​ന്നു​ള്ള​ ​എ​ന്റെ​ ​മ​റു​പ​ടി​കേ​ട്ട് ​പ​യ്യ​ന്നൂ​ർ​ ​ കോ​ളേ​ജി​ലെ​ ​ ആ​ ​പ​ഴ​യ​ ​പൊ​ളി​റ്റി​ക്സ് ​വി​ദ്യാ​ർ​ത്ഥി​യു​ടെ​ ​മു​ഖ​ത്ത് ​ചി​രി​ ​തെ​ളി​ഞ്ഞു...​ ​അ​ന്ന​ത്തെ​ ​ആ​ ​പൊ​ളി​റ്റി​ക്സ് ​വി​ട്ടാ​ണ് ​അ​വ​ൻ​ ​ബോം​ബെ​യി​ൽ​ച്ചെ​ന്ന് ​കം​പ്യൂ​ട്ട​ർ​ ​എ​ൻ​ജി​നി​യ​റിം​ഗ് ​പ​ഠി​ച്ച് ​ര​ക്ഷ​പ്പെ​ട്ട​ത്....!

(​സ​തീ​ഷ്ബാ​ബു​ ​പ​യ്യ​ന്നൂ​ർ​:​ 98470​ 60343)​