മാമുക്കോയയുടെ ഉരു ഒ.ടി.ടി റിലീസിന്

മാമുക്കോയ വ്യത്യസ്ത വേഷത്തിൽ അഭിനയിച്ച ഉരു ഒ.ടി.ടി പ്ലാറ്റ്ഫോമിൽ റിലീസിന് ഒരുങ്ങുന്നു. അറബ് ലോകവും കേരളവും തമ്മിൽ നൂറ്റാണ്ടുകളുടെ പഴക്കമുള്ള ബന്ധത്തിന്റെ കഥ കൂടി പറയുന്ന ചിത്രത്തിന് മാദ്ധ്യമപ്രവർത്തകനായ ഇ .എം അഷ്‌റഫ് രചനയും സംവിധാനവും നിർവഹിക്കുന്നു. മൂത്താശാരി എന്ന കഥാപാത്രത്തെയാണ് മാമുക്കോയ അവതരിപ്പിക്കുന്നത്.മരത്തടി മേഖലയുമായി ബന്ധപ്പെട്ട തൊഴിൽ ചെയ്ത മാമുക്കോയ തന്റെ ജീവിതാനുഭവങ്ങൾ ചിത്രത്തിൽ പങ്കുവയ്ക്കുന്നുണ്ട്. കെ .യു മനോജ് , മഞ്ജു പത്രോസ് , അർജുൻ , ആൽബർട്ട് അലക്സ് , അനിൽ ബാബു, അജയ് കല്ലായി , രാജേന്ദ്രൻ തായാട്ട് , ഉബൈദ് മുഹ്‌സിൻ , ഗീതിക , ശിവാനി ,ബൈജു ഭാസ്കർ , സാഹിർ പി .കെ, പ്രിയ എന്നിവരാണ് മറ്റു താരങ്ങൾ. സാം പ്രൊഡക്ഷൻസിന്റെ ബാനറിൽ മൻസൂർ പള്ളൂർ നിർമിക്കുന്ന ചിത്രത്തിന് ശ്രീകുമാർ പെരുമ്പടവം ഛായാഗ്രഹണം നിർവഹിക്കുന്നു. കമൽ പ്രശാന്ത് സംഗീത സംവിധാനവും പ്രഭാവർമ ഗാന രചനയും നിർവഹിക്കുന്നു. എഡിറ്റർ ഹരി ജി. നായർ.