ഭിന്നശേഷി കമ്മിഷണർ നോട്ടീസ് നൽകി

തിരുവനന്തപുരം: മഞ്ചേരി നഗരസഭ നിർമ്മിച്ച പൊതു ശൗചാലയത്തിൽ ഭിന്നശേഷിക്കാർക്കുള്ള റാംപ് ഭിന്നശേഷി സൗഹൃദമല്ലാത്ത രീതിയിൽ നിർമ്മിച്ചതിന് നഗരസഭാ സെക്രട്ടറിക്ക് സംസ്ഥാന ഭിന്നശേഷി കമ്മിഷണർ എസ്.എച്ച്. പഞ്ചാപകേശൻ നോട്ടീസ് നൽകി. പൊതുകെട്ടിടങ്ങൾ ഭിന്നശേഷി സൗഹൃദമാക്കുന്നതിനുള്ള സർക്കാർ നിർദ്ദേശം പാലിച്ചിട്ടില്ലെന്നും നിലവിലുള്ള റാംപ് ഭിന്നശേഷിക്കാരുടെ ജീവന് അപായം സംഭവിക്കാൻ ഇടയുള്ളതാണെന്നും കണക്കിലെടുത്താണ് നടപടി സ്വീകരിച്ചതെന്ന് കമ്മിഷണർ അറിയിച്ചു.