മാലിയിൽ അവധിയാഘോഷിച്ച് ഐശ്വര്യയും അഭിഷേകും

ബോളിവുഡിന്റെ സൂപ്പർ താരദമ്പതികളായ അഭിഷേക് ബച്ചനും ഐശ്വര്യ റായിയും മകൾ ആരാധ്യക്കൊപ്പം മാലിദ്വീപിൽ അവധിക്കാലം ആഘോഷിക്കുകയാണ്. മാലിദ്വീപിൽ നിന്നും ഇരുവരും പങ്കുവെച്ച ചിത്രങ്ങളാണ് ഇപ്പോൾ സോഷ്യൽ മീഡിയയിൽ ശ്രദ്ധനേടുന്നത്.താമസിക്കുന്ന ഹോട്ടലിൽ നിന്നുമുള്ള പ്രകൃതിരമണീയമായ കാഴ്ച്ചകളാണ് ഇരുവരും പങ്കുവെച്ചിരിക്കുന്നത്.'സൂര്യനും ഇളംകാറ്റും പറുദീസയും' എന്നാണ് ഐശ്വര്യ മനോഹരമായ കടൽ തീരത്തിന്റെയും മരങ്ങളുടെയും ചിത്രം പങ്കുവെച്ച് കുറിച്ചത്. 16ന് ആരാധ്യയുടെ പിറന്നാളാണ് അതിനുവേണ്ടിയാണ് താര ദമ്പതികൾ മാലിയിലേക്ക് എത്തിയതെന്നാണ് റിപോർട്ടുകൾ സൂചിപ്പിക്കുന്നത്. ദി ബിഗ് ബുൾ എന്ന ചിത്രത്തിലാണ് അഭിഷേക് അവസാനമായി അഭിനയിച്ചത്. മണിരത്‌നത്തിന്റെ പൊന്നിയിൻ സെൽവമാണ് ഐശ്വര്യയുടെ പുറത്തിറങ്ങാനിരിക്കുന്ന ചിത്രം.