കാസർകോട്: സപ്ലൈകോയെ സംരക്ഷിക്കുക തുടങ്ങി വിവിധ ആവശ്യങ്ങളുന്നയിച്ച് സപ്ലൈകോ നാഷണൽ എംപ്ലോയീസ് അസോസിയേഷൻ(ഐ.എൻ. ടി .യു .സി ) ആഭിമുഖ്യത്തിൽ കാസർകോട് നിന്ന് തിരുവന്തപുരത്തേക്ക് അവകാശ സംരക്ഷണ വാഹന പ്രചാരണ ജാഥ തുടങ്ങി. ജാഥ ക്യാപ്റ്റൻ ആർ. വിജയ കുമാറിന് പതാക കൈമാറി രാജ്‌മോഹൻ ഉണ്ണിത്താൻ എം.പി ഉദ്ഘാടനം ചെയ്‌തു. ,സ്ഥാന വൈസ് പ്രസിഡന്റ്‌ ടി. എ. ഷാജി ജോസ് അദ്ധ്യക്ഷത വഹിച്ചു. എൻ. എ. നെല്ലിക്കുന്ന് എം. എൽ. എ മുഖ്യ പ്രഭാഷണം നടത്തി. കെ. വി. ദാമോദരൻ, എ. ശാഹുൽ ഹമീദ്, ഹരീന്ദ്രൻ ഇറകോടൻ, സുഭാഷ് മുഖത്തല, എം. സുമേഷ് കുമാർ,പി. പി. ഉണ്ണികൃഷ്ണൻ നമ്പൂതിരി, ബി. എസ്. ജമാൽ എന്നിവർ പ്രസംഗിച്ചു. ജില്ലാ സെക്രട്ടറി കെ. അശോകൻ സ്വാഗതവും ജാഥ ക്യാപ്റ്റൻ ആർ. വിജയ കുമാർ നന്ദിയും പറഞ്ഞു