ഇടുക്കി: നീരൊഴുക്ക് ശക്തമായതിനെ തുടർന്ന് ചൊവ്വാഴ്ച തുറന്ന മുല്ലപ്പെരിയാർ അണക്കെട്ടിന്റെ ഏഴ് ഷട്ടറുകളിൽ ആറെണ്ണം അടച്ചു. നിലവിൽ മൂന്നാം നമ്പർ ഷട്ടർ മാത്രമാണ് 10 സെ.മീ ഉയർത്തിയിരിക്കുന്നത്. രാവിലെ ഒരു ഷട്ടർ തുറന്നിട്ടും ജലനിരപ്പ് 142 അടിയോട് അടുത്തതോടെയാണ് രാത്രി ആറ് ഷട്ടറുകൾ കൂടി ഉയർത്തിയത്. നീരൊഴുക്ക് കുറഞ്ഞതോടെ ഷട്ടറുകൾ അടയ്ക്കുകയായിരുന്നു. നിലവിൽ സെക്കൻഡിൽ 136 ഘനയടി ജലമാണ് പുറത്തേക്ക് ഒഴുകുന്നത്.