ഭോപ്പാല്‍: മദ്ധ്യപ്രദേശിലെ മൊറീനയിൽ ട്രെയിനിൽ വൻ തീപിടിത്തം. ദുർഗ് - ഉദയ്പൂ‌ എക്സ്പ്രസിന്റെ നാലു ബോഗികളിലാണ് തീപിടിത്തമുണ്ടായത്. മൊറീന സ്റ്റേഷനിൽ ട്രെയിൻ നിറുത്തിയിട്ടിരിക്കുമ്പോഴാണ് തീപിടിത്തമുണ്ടായത്. എ,​സി കോച്ചുകളിലേക്ക് തീ പടരുകയായിരുന്നു,​ ആളപായമില്ലെന്നാണ് റിപ്പോർട്ട്.

പൊലീസും ഫയര്‍ഫോഴ്‌സും സംഭവസ്ഥലത്തെത്തിയിട്ടുണ്ട്. കോച്ചുകള്‍ പൂര്‍ണമായി കത്തിനശിച്ചു. റെയിൽവേയുടെ ഉന്നത ഉദ്യോഗസ്ഥര്‍ ഉള്‍പ്പടെ സംഭവ സ്ഥലത്ത് എത്തിയിട്ടുണ്ട്. തീപിടിത്തത്തിന്റെ കാരണം വ്യക്തമായിട്ടില്ല.