കരുനാഗപ്പള്ളി: പന്മന മനയിൽ ഫുട്ബാൾ അസോസിയേഷന്റെ സിൽവർ ജൂബിലി ആഘോഷത്തിന്റെ ഭാഗമായി അഖില കേരള ഫുട്ബാൾ മേളയ്ക്ക് തുടക്കമായി. ഡോ. സുജിത് വിജയൻ പിള്ള എം.എൽ.എ മേള ഉദ്ഘാടനം ചെയ്തു. വരവിള നിസാർ അദ്ധ്യക്ഷത വഹിച്ചു. ഡി.എഫ്.എ ജില്ലാ സെക്രട്ടറി ജി. ചന്ദു, ചവറ ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ പ്രസന്നൻ ഉണ്ണിത്താൻ, ബിജു കണ്ണങ്കര, മനാഫ് തുപ്പാശ്ശേരി, നെറ്റിയാട് റാഫി, എം.എഫ്.എ പ്രസിഡന്റ് പന്മന മഞ്ജേഷ്, സെക്രട്ടറി എ. ആഷിം, മനോജ് കുമാർ, നസീർ തുണ്ടിൽ, മൺസൂർ, സൽമാൻ, എസ്. സജിത്, ജിനോയ്, പ്രണവ്, സുഭാഷ് എന്നിവർ പങ്കെടുത്തു.