യുവഗായിക അപർണ രാജീവ് ഒരുക്കിയ ക്രിസ്മസ് സ്പെഷ്യൽ ഗാനം ഏറ്റെടുത്ത് ശ്രോതാക്കൾ. ഈ രാത്രി ക്രിസ്മസ് രാത്രി എന്ന പേരിലാണ് പാട്ട് പുറത്തിറക്കിയിരിക്കുന്നത്. ഡോ. കെ. ജയകുമാറാണ് ഗാനരചയിതാവ്. അപർണയുടെ അച്ഛനും സംഗീതസംവിധായകനുമായ രാജീവ് ഒ.എൻ.വി ഈണം ഒരുക്കിയിരിക്കുന്നു. അച്ഛന്റെ ഈണത്തിൽ മകളുടെ പാട്ട് എന്ന പ്രത്യേകത ഈ രാത്രി ക്രിസ്മസ് രാത്രിയെ സമ്പന്നമാക്കുന്നു. ഏറെ വർഷത്തെ അപർണയുടെ ആഗ്രഹം കൂടിയാണ്. സന്തോഷവും പ്രത്യാശയും നൽകുന്ന ഗാനമാണ് അപർണ സമ്മാനിച്ചിരിക്കുന്നത്. ഒപ്പം മികച്ച ദൃശ്യാനുഭവുമുണ്ട്.പ്രകാശ് റാന ഗാനചിത്രീകരണവും എഡിറ്റിംഗും നിർവഹിച്ചു. ഇതിനു മുൻപും അപർണ പുറത്തിറക്കിയ സംഗീത ആൽബങ്ങൾ ശ്രദ്ധേയമായിരുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |