റാഞ്ചി: തന്റെ മണ്ഡലത്തിലെ റോഡുകൾ ബോളിവുഡ് താരം കങ്കണ റണാവത്തിന്റെ കവിളുകളെക്കാൾ മിനുസമുള്ളതാക്കുമെന്ന് കോൺഗ്രസ് എം എൽ എ ഇർഫാൻ അൻസാരി. ജാർഖണ്ഡിലെ ജംതാര മണ്ഡലത്തിലെ റോഡുകൾ സുഗമമുള്ളതാക്കുമെന്നാണ് എം എൽ എയുടെ ഉറപ്പ്.

സമൂഹമാദ്ധ്യമത്തിൽ പങ്കുവച്ച വീഡിയോയിലാണ് എം എൽ എ ഉറപ്പ് നൽകുന്നത്. ലോകോത്തര നിലവാരമുള്ള 14 റോഡുകളുടെ നിർമാണം ഉടൻ ആരംഭിക്കുമെന്നും അൻസാരി അറിയിച്ചു.

#WATCH | Jharkhand: I assure you that roads of Jamtara "will be smoother than cheeks of film actress Kangana Ranaut"; construction of 14 world-class roads will begin soon..: Dr Irfan Ansari, Congress MLA, Jamtara

(Source: Self-made video dated January 14) pic.twitter.com/MRpMYF5inW

— ANI (@ANI) January 15, 2022

ബി ജെ പി സർക്കാർ ജനങ്ങളെ കൊള്ളയടിക്കുകയാണെന്നും എം എൽ എ ആരോപിച്ചു. പൊടിപടലങ്ങൾ മൂലം ജനങ്ങൾക്ക് പലവിധ രോഗങ്ങളും നേരിടേണ്ടി വരുന്നുണ്ടെന്നും അതിനാൽ തന്റെ സർക്കാർ ജനങ്ങൾക്ക് വേണ്ടി വികസന പ്രവർത്തനങ്ങൾ ചെയ്യാനാണ് ആഗ്രഹിക്കുന്നതെന്നും ഇർഫാൻ അൻസാരി പറഞ്ഞു.