ദുബായ്: രാജ്യാന്തര ക്രിക്കറ്റ് കൗൺസിലിന്റെ 2021ലെ പുരസ്കാരങ്ങളിൽ ഒന്ന് പോലും സ്വന്തമാക്കാൻ കഴിയാതെ ഇന്ത്യയുടെ പുരുഷ താരങ്ങൾ. എന്നാൽ രാജ്യത്തിന്റെ അഭിമാനം കാത്ത് കഴിഞ്ഞ വർഷത്തെ ഏറ്റവും മികച്ച വനിതാ താരത്തിനുള്ള പുരസ്കാരം ഇന്ത്യയുടെ സ്മൃതി മന്ഥാന സ്വന്തമാക്കി. 2021 വർഷത്തിൽ ക്രിക്കറ്റിന്റെ മൂന്ന് ഫോർമാറ്റുകളിലും കാഴ്ചവച്ച മികച്ച പ്രകടനമാണ് മന്ഥാനയ്ക്ക് പുരസ്കാരം നേടികൊടുത്തത്.
പാകിസ്ഥാൻ ബൗളർ ഷഹിൻഷാ അഫ്രീദിയാണ് മികച്ച് പുരുഷ ക്രിക്കറ്റ് താരം. കഴിഞ്ഞ വർഷം കളിച്ച 36 രാജ്യാന്തര മത്സരങ്ങളിൽ നിന്ന് നേടിയ 78 വിക്കറ്റുകളാണ് അഫ്രീദിയെ പുരസ്കാര നേട്ടത്തിന് അർഹനാക്കിയത്.
ഇംഗ്ളണ്ട് ക്യാപ്ടൻ ജോ റൂട്ടിനെ മികച്ച ടെസ്റ്റ് താരമായും പാകിസ്ഥാൻ താരങ്ങളായ ബാബർ അസമിനെയും മുഹമദ് റിസ്വാനെയും ഏകദിന, ടി ട്വന്റി താരങ്ങളായും തിരഞ്ഞെടുത്തു. ദക്ഷിണാഫ്രിക്കയുടെ ജന്നേമൻ മലാനാണ് ഭാവിയുടെ താരം.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |