കാർത്തിക് രാമകൃഷ്ണൻ നായകനാവുന്ന പ്രിയ

ബനേർഘട്ട, ഷിബു എന്നീ ചിത്രങ്ങളിൽ നായകനായി അഭിനയിച്ച കാർത്തിക് രാമകൃഷ്ണൻ, പുതുമുഖം നൈനിത എന്നിവരെ പ്രധാന കഥാപാത്രമാക്കി ഗോകുൽ രാമകൃഷ്ണൻ സംവിധാനം ചെയ്യുന്ന പ്രിയ പാലക്കാട് ആരംഭിച്ചു. വിനീത് വിശ്വൻ, കലാഭവൻ നവാസ്, ജയരാജ് വാര്യർ, ഉണ്ണി മറിമായം, മുസ്തഫ, ജെയിംസ് ഏലിയ, ഷമീർ തോട്ടിങ്കൽ, മാല പാർവതി തുടങ്ങിയവരാണ് മറ്റു താരങ്ങൾ. യെസ് യെൻ പ്രൊഡക്ഷൻസിന്റെ ബാനറിൽ ഷമീർ തോട്ടിങ്കൽ, നിഷാന്ത് നായർ എന്നിവർ ചേർന്ന് നിർമ്മിക്കുന്ന ചിത്രത്തിന്റെ സംഗീത സംവിധാനം മെജോ ജോസഫ് നിർവഹിക്കുന്നു. ഷിബു, എന്ന ചിത്രത്തിനുശേഷം ഗോകുൽ രാമകൃഷ്ണനും കാർത്തിക് രാമകൃഷ്ണനും ഒന്നിക്കുന്ന ചിത്രത്തിന്റെ ഛായാഗ്രഹണം നിഖിൽ സുരേന്ദ്രൻ നിർവഹിക്കുന്നു. തിരക്കഥ- സംഭാഷണം അർജ്ജുൻ പ്രഭാകരൻ, ഗോകുൽ രാമകൃഷ്ണൻ. പി.ആർ.ഒ: എ.എസ്. ദിനേശ്.