കൊച്ചി: മദ്ധ്യവേനലവധിക്ക് സ്വന്തം വീട്ടിൽ പോകാൻ കഴിയാതെ ശിശു സംരക്ഷണ സ്ഥാപനങ്ങളിൽ കഴിയുന്ന കുട്ടികളെ വീട്ടിൽ താമസിപ്പിക്കാൻ സന്നദ്ധതയുള്ളവർക്ക് വനിതാശിശുവികസന വകുപ്പിന്റെ ആഭിമുഖ്യത്തിലുള്ള ഫോസ്റ്റർ കെയർ പദ്ധതിയിലേക്ക് അപേക്ഷിക്കാം. 6 നും 18 വയസിനുമിടയിൽ പ്രായമുള്ള കുട്ടികൾക്ക് മികച്ച വീടനുഭവം ലഭ്യമാക്കുക എന്നതാണ് പദ്ധതിയുടെ ലക്ഷ്യം. സ്വന്തം മക്കളോടൊപ്പം കുട്ടികളേയും താമസിപ്പിക്കുന്നതിന് സന്നദ്ധരായ ജില്ലയിലെ കുടുംബങ്ങൾക്ക് 30വരെ ജില്ലാ ശിശുസംരക്ഷണ യൂണിറ്റിൽ അപേക്ഷിക്കാം. ഫോൺ: 9497817480, 0484 2959177. അവസാനതീയതി 30. വിലാസം ജില്ലാശിശു സംരക്ഷണ ഓഫീസർ, സിവിൽ സ്റ്റേഷൻ, എ 3 ബ്ലോക്ക്, കാക്കനാട്, എറണാകുളം 682030.