തിരുവനന്തപുരം : പരിയാരം മെഡിക്കൽ കോളേജിലെ 521 നഴ്സുമാടെ സ്ഥിരപ്പെടുത്തിയ നടപടി അഭിനന്ദനാർഹമാണെന്നും ശേഷിക്കുന്ന ജീവനക്കാരുടെ കാര്യത്തിലും അടിയന്തര തീരുമാനം ഉണ്ടാകണമെന്നും കേരള ഗവ. നേഴ്സസ് അസോസിയേഷൻ (കെ.ജി.എൻ.എ) സംസ്ഥാന കമ്മിറ്റി ആവശ്യപ്പെട്ടു.

2019 മാർച്ചിൽ സർക്കാർ ഏറ്റെടുത്തെങ്കിലും നടപടികൾ പൂർത്തിയാവാത്തതിനാൽ സർക്കാർ ജീവനക്കാർക്ക് ലഭിക്കേണ്ട ആനുകൂല്യങ്ങൾ ലഭിച്ചിരുന്നില്ല. ഇതിനാണ് ഇപ്പോൾ പരിഹാരമായതെന്ന് കെ.ജി.എൻ.എ ജനറൽ സെക്രട്ടറി ടി. സുബ്രഹ്മണ്യൻ പറഞ്ഞു.