പെരിന്തൽമണ്ണ: ജനപ്രതിനിധികൾ ഉൾപ്പടെയുള്ള പാർട്ടി നേതാക്കളെ മർദ്ദിച്ച സാമൂഹ്യ വിരുദ്ധരെ ഉടൻ അറസ്റ്റ് ചെയ്യണമെന്നാവശ്യപ്പെട്ടുകൊണ്ട് സി.പി.ഐ മാർച്ചും പ്രതിഷേധ യോഗവും നടത്തി. വെളളിയാഴ്ച പാർട്ടി ബ്രാഞ്ച് സമ്മേളനത്തിനുള്ള കൊടി തോരണങ്ങൾ കെട്ടിയപ്പോഴാണ് മങ്കട ഗ്രാമപഞ്ചായത്ത് അംഗവും സി.പി ഐ മങ്കട മണ്ഡലം സെക്രട്ടറിയുമായ പി.ടി ഷറഫുദ്ദീനെയും മറ്റ് നേതാക്കളെയും ഒരു സംഘം സാമൂഹിക വിരുദ്ധർ സംഘം ചേർന്ന് ആക്രമിച്ചത്. എ.ഐ.ടി.യു.സി ജില്ലാ കമ്മിറ്റിയംഗം പി.ശിവദാസൻ,പാർട്ടി ലോക്കൽ കമ്മിറ്റി അംഗം പി.വേലായുധൻ, ബ്രാഞ്ച് സെക്രട്ടറി പടുവിൽ വാസു എന്നിവർക്ക് നേരെയാണ് ആക്രമണമുണ്ടായത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |