തിരുവനന്തപുരം: ഏപിൽ 9 ന് നടക്കാനിരിക്കുന്ന മിൽമ തിരുവനന്തപുരം യൂണിയൻ ഭരണസമിതി തിരഞ്ഞെടുപ്പിന്റെ നാമനിർദ്ദേശ പത്രികകളുടെ സൂക്ഷ്മപരിശോധന പൂർത്തിയായി. ആകെ സമർപ്പിക്കപ്പെട്ട 56 പത്രികകളിൽ തിരുവനന്തപുരം-25, കൊല്ലം-13,പത്തനംതിട്ട - 6, ആലപ്പുഴ - 10 എന്നിങ്ങനെയാണ് ഇനി അവശേഷിക്കുന്നത്.
മുൻ ചെയർമാൻ കല്ലട രമേശിന്റെ പത്രിക ഒഴിവാക്കപ്പെട്ടു. മൂന്നു ടേമിൽ കൂടുതൽ മേഖലാ യൂണിയനുകളുടെ ഭരണസമിതിയിൽ തുടരാനാവില്ലെന്ന് പുതുതായി കൊണ്ടുവന്ന നിയമ ഭേദഗതിയുടെ അടിസ്ഥാനത്തിലാണിത്. നിലവിലെ അഡ്മിനിസ്ട്രേറ്റീവ് കമ്മിറ്റി കൺവീനർ എൻ.ഭാസുരാംഗൻ, അംഗങ്ങളായ വി.എസ്.പത്മകുമാർ, കെ.ആർ.മോഹനൻ പിള്ള എന്നിവരുടെ നാമനിർദ്ദേശപത്രികകൾ സ്വീകരിച്ചിട്ടുണ്ട്. തിരുവനന്തപുരം -5, കൊല്ലം-4, പത്തനംതിട്ട - 2 , ആലപ്പുഴ-3 എന്ന ക്രമത്തിൽ 14 പേരാണ് യൂണിയൻ ഭരണസമിതിയിലേക്ക് തിരഞ്ഞെടുക്കപ്പെടേണ്ടത്. നാമനിർദേശ പത്രിക പിൻവലിക്കേണ്ട അവസാന തീയതിയായ 24 ന് ശേഷമേ സ്ഥാനാർത്ഥികളുടെ പൂർണ ചിത്രം വ്യക്തമാകൂ.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |