 പണിമുടക്ക് ദിനങ്ങളിൽ തുറക്കാം

തിരുവനന്തപുരം: പൊതുപണിമുടക്ക് നടക്കുന്ന 28, 29 തീയതികൾക്ക് പകരമായി ഞായറാഴ്ച റേഷൻ കടകൾ തുറന്നു പ്രവർത്തിക്കണമെന്ന ഭക്ഷ്യവകുപ്പ് നിർദ്ദേശം തള്ളി റേഷൻ കടയുടമകളുടെ സംഘടനകൾ. ഞായറാഴ്ച കടകൾ തുറക്കില്ലെന്നും 28നും 29നും തുറക്കുമെന്നുമാണ് ആൾ കേരളാറിട്ടേയിൽ റേഷൻ ഡീലേഴ്സ് അസോസിയേഷനും, കേരള സ്റ്റേറ്റ് റീട്ടേയിൽ റേഷൻ ഡീലേഴ്സ് അസോസിയേഷനും അറിയിച്ചിരിക്കുന്നത്.

സംസ്ഥാനത്ത് ഏറ്റവും കൂടുതൽ റേഷൻ കടയുടമകൾ അംഗങ്ങളായിട്ടുള്ള സംഘടനകളാണിവ.

പണിമുടക്ക് ദിവസങ്ങളിൽ കടകൾ തുറക്കാനാവശ്യമായ സഹായം സർക്കാർ നൽകണമെന്ന് സംയുക്ത റേഷൻസംഘടന നേതാക്കളായ ജോണി നെല്ലൂർ, കാടാംമ്പുഴ മൂസ, ടി. മുഹമ്മദാലി, അജിത്കമാർ, ഇ. അബൂബക്കർ ഹാജി, ശിവദാസൻ വേലിക്കാട്, സി. മോഹനൻപിള്ള എന്നിവർ ആവശ്യപ്പെട്ടു.