തിരുവനന്തപുരം : കൊവിഡ് കാലത്ത് കുമാരപുരം ഡി പോൾ കെയർ സെന്ററിൽ താമസിച്ചിരുന്നവർ ചേർന്ന് തയാറാക്കിയ കൈയെഴുത്ത് പുസ്തകത്തിന്റെ പ്രകാശനം വാവസുരേഷ് നിർവഹിച്ചു. ഫാദർ ജോർജ്ജ് ഇലഞ്ഞിക്കൽ പുത്തൻതറ പുസ്തകം ഏറ്റുവാങ്ങി.ഡി പോളിൽ നടന്ന ചടങ്ങിൽ വിൻസെൻഷ്യൻ സഭയുടെ സുപ്പീരിയർ ജനറാൾ ഫാദർ ജോൺ കണ്ടത്തിൻകര അദ്ധ്യക്ഷനായി. അമ്പ് എന്ന് പേരിട്ടിരിക്കുന്ന പുസ്തകത്തിൽ കാൻസർ രോഗികളും അവരെ പരിചരിക്കുന്നവരൂം വരച്ച ചിത്രങ്ങളും എഴുതിയ കഥകളും കവിതകളും ലേഖനങ്ങളും അനുഭവങ്ങളുമാണുള്ളത്. സഹോദരിയുടെ ചികിത്സക്കായി എത്തിയ ആശ്രാമം സന്തോഷാണ് മുഖചിത്രം വരച്ചത്. ഫാദർ ഷിന്റോ മംഗലത്ത്, കുരുവിള അബ്രഹാം, ഫാദർ ജേക്കബ് കാട്ടിപറമ്പിൽ, ഫാദർ മാത്യു പോത്താലിൽ തുടങ്ങിയവർ സംസാരിച്ചു.

caption കൊവിഡ് കാലത്ത് കുമാരപുരം ഡി പോൾ കെയർ സെന്ററിൽ താമസിച്ചിരുന്നവർ ചേർന്ന് തയാറാക്കിയ കൈയെഴുത്ത് പുസ്തകത്തിന്റെ പ്രകാശനം വാവസുരേഷ് നിർവഹിക്കുന്നു.